نائب مزن وزیر ءُ درئی کارانی وزیر سینیٹر محمد اسحاق ڈار ءَ اسپین ءِ سینیٹر ویسنٹ ازپیٹارٹے پیریز ءَ گوں گند ءُ نند کتگ، پارلیمانی سیادی ءَ را مھکم کنگ ءُ اے دگہ پڑاں کمک ءِ تہ ءَ گیشی ءِ سر ءَ گپ ءُ تران کنگ بوت

اسلام آباد۔28اگست (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ پنچ شمبے ءِ روچ ءَ ہسپانوی سینیٹ ءِ باسک سینیٹر ویسنٹ ازپیٹارٹے پیریز ءَ گوں گند ءُ نند کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ گند ءُ نند ءَ پاکستان ءُ اسپین ءِ نیام ءَ پارلیمانی سیادی ءَ را گیش مھکم کنگ ءُ سیاسی، اقتصادی ءُ دود ءُ ربیدگی شوبگ آنی تہ ءَ کمک ءِ تہ ءَ گیشی ءِ سر ءَ گپ ءُ تران کنگ بوتگ۔ نائب مزن وزیر ءُ دری کارانی وزیر سینیٹر محمد اسحاق ڈار ءَ پارلیمانی سیادی ءَ را دیمروئی دیگ ءِ واستہ سینیٹر پیریز ءِ کوشست آناں ساڑات۔ اے موہ ءِ سر ءَ سینیٹر پیریز ءَ نائب مزن وزیر ءُ درئی کارانی وزیر ءَ را ھم اسپین ءِ تر ءُ تاب ءِ دعوت داتگ۔