مزن وزیر محمد شہباز شریف پنجاب ءِ سیلاب ءَ چہ آماچیں دمگ آنی تر ءُ تاب ءَ روادگ

اسلام آباد۔28اگست (اے پی پی): مزن وزیر محمد شہباز شریف پنجاب ءِ سیلاب ءِ آماچیں دمگ آنی تر ءُ تاب ءَ شتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ روگ ءَ چہ پیسر ءُ بالی سروے ءِ وھد ءَ این ڈی ایم اے ءِ چیئرمین لیفٹیننٹ جنرل انعام حیدر ءَ مزن وزیر ءَ را ملک ءَ سیلاب ءِ سرجمیں جاور ھال آنی بابت ءَ سرجمیں بریفنگ داتگ۔ مزن وزیر ءَ را پنجاب ءِ دریا آنی تہ ءَ سیلاب ءِ جاور ھال ءُ آپ ءِ آماچیں دمگ آنی تہ ءَ ریسکیو ءُ ریکوری آپریشن آنی بابت ءَ سرپد کت۔ پنجاب ءِ سر وزیر مریم نواز شریف ھم مزن وزیر ءِ گوما لاہور ءَ چہ ناروال ءَ شتگ ءُ بالی گراب ءِ وھد ءَ سیلاب ءِ جاور ھال ءِ بابت ءَ آئی ءَ گوں ھیال ءُ لیکہ درشان کتگ ۔ چیئرمین این ڈی ایم اے ءَ جاور ھال ءُ حکومت ءِ نیمگ ءَ کتگیں گامگیج آنی بابت ءَ سرپد کت۔ رپورٹ ءِ رد ءَ مزن وزیر محمد شہباز شریف ءَ زمین چنڈ ءِ آماچیں دمگ آنی ھوائی سروے کتگ ءُ زمین چنڈ ءِ گر ءُ دار ءِ واستہ ھمک رنگ ءِ گامگیج زورگ ءُ کمکی کار کنگ ءِ ھدایت جاری کتگ۔ مزن وزیر ءُ بنجاھی وزیر ءَ را ناروال ءَ سرجمیں بریفنگ دیگ بیت۔