ڈکال ءِ جاور ھال ءَ گوں گر ءُ چیل بوھگ ءِ واستہ کسانیں، درنیامی ءُ دراجیں مدتی حکمت عملی جوڑ کنگ لوٹ ایت، پی ای جی ءِ انفارمیشن سسٹم ءِ سبب ءَ تاوان کم چہ کم بوتگ، مزن وزیر شہباز شریف

نارووال۔28اگست (اے پی پی): مزن وزیر محمد شہباز شریف ءَ نوکیں آپی ذخائر آنی دیمروئی ءَ را وھد ءِ لوٹ لیکگ ءِ وھد ءَ گوشت کہ مارا ھشک سالی ءِ جاور ھال آنی گوما گر ءُ چیل بوھگ ءِ واستہ کسانیں، میان استمانی ءُ دراجیں مدتی حکمت عملی جوڑ کنگ لوٹ ایت، ھشک سالی ءِ قدرتی آفت ءَ گوں پاکستان ءَ ٹیم ورک ءِ وسیلگ ءَ گر ءُ چیل بوت کنت، ملک کہ آب و ہوا ءِ بدلی ءَ چہ گیشتر آماچ انت، ریسکیو ءُ قدرتی آفت ءِ رد ءَ ردیں ادارہ آناں گیش متحرک کنگ بہ بیت۔ اے ھیالانی درشانی آئی ءَ ناروال ءَ ھشک سالی ءَ چہ آماچیں دمگ آنی تر ءُ تاب ءِ موہ ءَ بریفنگ ءَ گوں تران کنان ءَ کت۔ اے موہ ءِ سر ءَ پنجاب ءِ سر وزیر مریم نواز شریف، منصوبہ بندی ءُ دیمروئی ءِ وفاقی وزیر پروفیسر احسن اقبال، وفاقی وزیر ءِ اھوالکاری عطا اللہ ترار، این ڈی ایم اے ءِ چیئرمین لیفٹیننٹ جنرل انعم حدنر ملک ءُ اے دگہ مزنیں کارندہ ھم ساڑی اتنت۔ چیئرمین این ڈی ایم اے ءَ مزن وزیر ءَ را پنجاب ءِ دریا ءُ آپ ءِ آماچیں دمگ آنی تہ ءَ ریسکیو ءُ ریلیف آپریشن آنی بابت ءَ سرپد کت۔ مزن وزیر ءَ گوشت کہ گلگت بلتستان ءُ خیبر پختونخوا ءَ پد نوں پنجاب ءَ ھور ءُ سیلاب ءِ جاور ھال انت۔ سیلاب ءِ سبب ءَ جانی تاوان ءِ سرا اپسوز کتگ۔ وفاقی وزیر، پاکستانی فوج، سول ایڈمنسٹریشن، این ڈی ایم اے، ریسکیو 1122، ناروال ءِ سروکی ءُ ایندگر ادارگ آنی کرد ستا کرز ایت۔ ہیلی کاپٹر ءُ کشتیانی ہم بندوبست کنگ بوتگ۔ پی اے سی ایس ءِ انفارمیشن سسٹم ءِ سبب ءَ تاوان کم چہ کم بوتگ۔ آئی ءَ گوشت کہ 2022 ءَ سندھ، بلوچستان، خیبر پختونخوا ءُ پنجاب ءِ جنوبی ضلع آناں بازیں تاوان رستگ، لاکھوں ایکڑ زمین ءِ سر ءَ اوشتاتگیں فصل تباہ بوتگ انت ءُ پاکستان ءَ را ارباں ڈالر ءِ تاوان بوتگ۔ مزن وزیر ءَ گوشت کہ پاکستان بدبھتی ءَ ھما ملک آنی تہ ءَ ھوار اِنت کہ آ قدرتی آفت آں چہ آماچ بوھگ ءَ اَنت ئُُ پاکستان ئِ 10 ملک آنی تہ ءَ ھوار اِنت کہ آھاں چاگردی مٹ ءُ بدلی ءَ چہ گیش آماچ بوتگ اَنت۔ مارا اے گپ ءِ ھیال ءَ دارگی اِنت کہ آیوکیں سالاں ھم اے رھبند برجاہ بیت۔ نوں اے مئے سرا انت کہ ما اے چیلنج ءَ چوں دیم پہ دیم کنیں۔ اگاں فیڈریشن، چاریں یونٹ، آزاد کشمیر ءُ گلگت بلتستان یکجاہ بہ بنت گڑا ما آیوکیں جاوراں گوں دیم پہ دیم بوت کنیں۔ مزن وزیر ءَ گوشت کہ ایشی ءِ واستہ صوبگ آناں وتی تک ءِ سر ءَ گامگیج چست کنگی انت، وفاقی تک ءِ این ڈی ایم اے ءُ ایشی ءَ گوں سیادی داروکیں ایندگر ادارگ آناں سرجمی ءَ وت مستر کنگ لوٹ ایت۔ آئی ءَ گوشت کہ آپ ءِ ذخیرہ کنگ ءِ گنجائش ءَ را گیش کنگ لوٹ ایت ایشی ءِ واستہ مئے وسیلگ آناں کارمرد کنگ لوٹ ایت، ایشی ءَ چہ ھشک سالی ءِ جاور ھال آنی کنٹرول ءَ کمک رسیت۔ اگاں مئے کرّا آپ ءِ زِر ءَ ایر کنگ ءِ گنجائش مہ بیت گڑا ما ھرچ وڑیں جھد ءُ کوشستے کنیں آ نا سرجم بیت۔ آئی ءَ گوشت کہ مارا وتی وسیلگ آناں وت یکجا کنگی انت، اے گنجائش ملک ءَ فیڈریشن ءُ صوبہ آنی نیام ءَ است انت، اگاں ما یکجائی ءَ کار بہ کن ایں گڈا گیواری ءِ شوھازگ بیت، مارا آیوکیں سال آنی تہ ءَ چاگردی چیلنج ءَ گوں دیم پہ دیم بوھگی انت۔ مزن وزیر ءَ گوشت کہ اپیکس کمیٹی ءِ گوستگیں دیوان ءَ من اے جیڈھ چست کتگ ات کہ آپ ءِ ذخیرہ کنگ ءِ گنجائش وھد ءِ ضلورت اِنت ایشی ءَ را وھد ءِ زوال کنگ ءَ ابید جوڑ کنگ بہ بیت۔ بھاشا ڈیم ءُ موہمند ڈیم ءِ جوڑ کنگ سک باز المی انت ۔ ھمے رنگ ءَ چنیوٹ ءُ پنجاب ءِ دگہ بازیں جاھاں آپ ءِ زِر ءَ ایر کنگ ءِ سوج دیگ بیت کنت۔ شمالی دمگاں کسانیں بند جوڑ کنگ بیت کنت۔ ریسکیو ءُ آفت ءِ گر ءُ دار ءِ ادارگ گیش ءَ چہ گیش متحرک کنگ بہ بنت۔ اگاں ما مرچی ءَ چہ بندات بہ کنیں گڑا آپ ءِ ذخیرہ کنگ ءِ مزنیں منصوبہانی سرجم کنگ ءَ بازیں سال لگ ایت۔ پنجاب ءَ پد سیلا بی ریل سندھ ءِ نیمگ ءَ روت ۔ ما دعا کنیں کہ ایشی ءِ تباہ کنوکیں طاقت کم بہ بیت۔ اے یک چیلنجے ءِ سرا انت۔ مارا اے چیلنج ءَ گوں یکجاہ دیم پہ دیم بوھگی اِنت۔ پنجاب ءِ سر وزیر ءِ تباہ بوتگیں فصلانی واھنداں زوت تاوان دیگ ءِ جار وش اتک انت۔ ھمے رنگ ءَ جانی تاوان، لوگ ءُ تباہی ءِ سبب ءَ بوتگیں تاوان ھم ھلاس کنگ بنت۔ من سر وزیر پنجاب ءُ آئی ءِ سرجمیں ٹیم ءُ این ڈی ایم اے ءَ را مبارکی دیان آں ءُ پاکستانی سلاہ بندیں اُرد ءِ منت ءَ گراں کہ آ یکجائی ءَ گوں دلجمی ءَ کار کنگ ءَ اَنت۔ پنجاب ءِ سر وزیر ءَ گردوارہ کرتار پور ءَ چہ زائرین آناں کشگ ءِ واستہ ہیلی کاپٹر ءِ روان دیگ ءِ پرمان داتگ ات۔ البت موسم ءِ ھراب بوھگ ءِ سبب ءَ آھانی کشگ چہ کشتیانی وسیلگ ءَ کنگ بیت۔گردوارہ کرتار پور سکھ کمیونٹی ءِ ھاترا مقدسیں جاہ اِنت، آپ ءَ را زوت کشگ بہ بیت۔ اے موہ ءِ سر ءَ پنجاب ءِ سر وزیر مریم نواز شریف ءَ گوشت کہ آ مزن وزیر ءِ منت وار آں کہ آ سیلاب ءَ چہ آماچیں دمگ آنی تر ءُ تاب ءَ کنت، ناروال سیلاب ءَ چہ گیش آماچیں دمگ آنی تہ ءَ ھوار اِنت، پنجاب انتظامیہ ءُ ریسکیو ءِ کرد ستا کرز اِیت، درستیں سیادی داروکیں ادارگ آناں ترندیں گامگیج چست کتگ۔ گْوستگیں 40 سالانی تہ ءَ ھچبر نہ بوتگ، مُدامی ھور ءُ ھندوستان ءِ نیمگ ءَ آپ ءِ یلہ کنگ ءَ یک نادراھی ءِ جاور ھال دیم ءَ اتکگ، اے رضامند ءِ گپ اِنت، درستیں ادارگاں یکجاہ ءُ زبردستی کار کتگ، ما 1000 کِشت ءُ کِشارانی سر ءَ کار کنگ ءَ ایں، گاو آنی واستہ آپ ءُ چارہ ءِ ھم بندوبست کنگ بوھگ ءَ اِنت۔ آئی ءَ گوشت کہ موثر پیگا انفارمیشن سسٹم ءَ چہ مردم آناں ایمنیں رنگ ءَ یلہ کنگ ممکن بوتگ۔ پنجاپ ءِ آماچیں دمگاں پاک فوج ءِ سپاھیگ کمکی کارانی تہ ءَ دزگٹ اَنت۔ مارا انچیں انفراسٹرکچرے جوڑ کنگی اِنت کہ آپ ءَ را بند بہ کنت ءُ ایمن بہ کنت۔ وفاقی وزیر منصوبہ بندی، دیمروئی ءُ ھاسیں گامگیج پروفیسر احسن اقبال ءَ گوشت کہ ریسکیو ءُ ریلیف ءِ کار آناں ھمگرنچ ءُ تیار کنگ ءِ ضلورت اِنت۔ ناروال دریا ءِ کٹائی ءَ چہ گیشتر زیان بوتگ۔ شاہراہانی بحالی ءِ کار زوت بندات کنگ بہ بیت۔ ناروول ءَ را آفت ءِ آماچ جار جنگ بہ بیت۔ مارا وتی انفراسٹرکچر ءَ را مھکم کنگی اِنت ءُ زمین چنڈ ءِ گر ءُ دار ءِ واستہ گامگیج کنگی اِنت۔ من مزن وزیر ءُ پنجاب ءِ سر وزیر ءِ شگر ءُ منت وار آں کہ آہاں زمین چنڈ ءَ چہ آماچیں دمگ آنی تر ءُ تاب کتگ۔ این ڈی ایم اے ءِ چیئرمین لیفٹیننٹ جنرل انعم ہڈکر ملک ءَ گوشت کہ مغربی مون سون ءِ اے سلسلہ سول دمگ آنی تہ ءَ برجاہ اِنت۔ بھارت ءِ مقبوضہ جموں ءُ کشمیر ءُ سالاکوٹ ءِ دمگاں غیر معمولی ھور گندگ بوتگ۔ بارشانی سبب ءَ دریاھانی تہ ءَ آپ ءِ ھئور بوتگ، مغربی دریا ءِ روانی نارمل اِنت، مشرقی دریا سیلاب ءِ جاور ءَ اَنت، خانکی ءُ قادر آباد ءَ آپ ءِ کچ یک ملین کیوسک اِنت، ہیڈ گنڈا سنگھ والا ءَ آپ ءِ رمبگ ءِ کچ گیش اِنت۔