وفاقی وزیر ڈاکٹر مصدق ملک دریائے چناب ءِ تر ءُ تاب ءَ انت، ریسکیو کارندہ آنی ڈیوٹی ءَ را توسیپ ءُ ستا پیش کت

اسلام آباد۔28اگست (اے پی پی): موسمیاتی بدلی ءُ چاگردی وت مہ وتی نزیکی ءِ وفاقی وزیر ڈاکٹر مصدق ملک ءَ دریائے چناب ءِ تر ءُ تاب کتگ ءُ اودا استیں ریسکیو کارندہ آنی ڈیوٹی، پبلک سروس ءُ بے مٹیں کار ءِ توسیپ کتگ۔ وزارت ءِ موسمی مٹ ءُ بدلی ءُ چاگردی وت مہ وتی نزیکی ءِ رد ءَ ڈاکٹر مصدق ملک ءَ گشتگ کہ ریسکیو ادارگ ایوک ءَ وتی محنت ءُ قربانی ءِ آسر ءَ جاناں رکین انت۔ ڈاکٹر مصدق ملک ءَ گوں دمگی مہلوک ءَ ہم گپ ءُ تران کتگ ءُ آہانی جیڑہ ءُ جنجال گوشداشتگ انت۔ آئی ءَ دریائے چناب ءِ کش ءُ گوراں کتگیں ایمنی ءُ انتظامی گامگیج آنی سر ءَ ھم سرجمیں چار ءُ تپاسی کت۔ وفاقی وزیر ءَ اے موہ ءِ سر ءَ گوشت کہ پاکستان ءِ حکومت الس ءِ جان ءُ مال ءِ رکھینگ ءَ را وتی اولی ترجی لیک ایت۔ اسٹریٹجک ھترہ آنی دیم ءَ دارگ ءِ ھاترا درستیں وسیلگ کارمرز کنگ بنت دانکہ ھرچ ممکنہ ہنگامی جاور ھال ءِ سرا بروقت ءُ موثریں پسو دیگ بہ بیت۔