چناب، راوی ءُ ستلج ءِ دریا آنی تہ ءَ سیلاب ءِ نہ وشیں جاور ھال برجاہ اَنت، کش ءُ گور ءِ دمگ آماچ بوت کن اَنت، این ڈی ایم اے

اسلام آباد۔28اگست (اے پی پی): چناب، راوی ءُ ستلج ءِ دریا آنی تہ ءَ سیلاب ءِ تہ ءَ نہ وشیں جاور برجاہ اَنت۔ نیشنل ڈیزاسٹر مینجمنٹ اتھارٹی ءِ نیشنل ایمرجنسی آپریشن سینٹر ءِ رد ءَ قادر آباد ءُ خانکی ءَ دریائے چناب ءَ سیلاب ءِ سکیں جاور ھال انت۔ خانکی ءَ 859 ہزار کیوسک ءِ شدیدیں سیلاب بوتگ ءُ قادر آباد ءَ 910 ہزار کیوسک ءِ ریکارڈ سیلاب ءِ شدیدیں جاور ھال انت۔ سیلاب ءِ ریلے قادر آباد ءُ خانکی ءَ پد حدام ٹرم ءَ چہ گوزگ ءَ انت۔ دریائے چناب ءِ سیلاب ءِ سبب ءَ گجرات، حافظ آباد،پنڈی بھٹیاں،سرگودھا، منڈی بہائوالدین، چنیوٹ ءُ جھنگ ءِ دمگ آماچ بوت کن انت۔ منب جسر ءِ دریائے راوی ءَ 139 ہزار ءِ سیلاب ءِ کچ ءَ گوں سیلاب ءِ شدیدیں جاور ھال انت۔ شہدرہ ءِ جاہ ءَ سیلاب ءِ کچ ءُ کساس 164160 ءِ کساس ءَ سر بوتگ۔ پنچ شمبے ءِ روچ ءَ این ڈی ایم اے ءِ میڈیا ونگ ءِ نیمگ ءَ چہ شنگ بوتگیں بیان ءِ رد ءَ اے سیلاب ءِ کچ ءُ کساس ءِ امکان اِنت کہ شہدرہ ءُ ناروال ءَ را تاوان رسیت۔ شاہدارہ ءَ لاہور ءِ کوٹ منڈو، جے موسیٰ، عزیز کالونی، قصر ٹاؤن، فصلہ پارک، دھر ءُ کوٹ باگمل ءِ دمگ آماچ بوت کنت۔ ضلع شیخوپورہ ءَ فیض پورکھوہ، دھمیکی، ڈکا، برج اٹاری، کوٹ عبدالمالک وھدیکہ ضلع ننکانہ صاحب ءَ گنیش پور ءِ دمگاں اے نادراھی ءِ آماچ بوت کنت۔ ضلع خانیوال میں غوث پور(میاں چنوں)، امیر گڑھ، کوٹ اسلام ءُ عبدالحکیم ءَ ھم اے نادراھی ءِ آماچ بوت کنت۔ سیلاب ءِ ریلے ءَ چہ ستلج ءَ را تاوان رسیت۔ اے وھد ءَ گنڈا سنگھ والا ءَ سیلاب ءِ شدیدیں جاور ھال انت کہ ایشی ءِ تہ ءَ سیلاب ءِ ریلے ءِ کساس 261 ہزار کیوبک میٹر انت۔ سیلاب ءِ ریلے ءِ سبب ءَ گنڈا سنگھوالہ ءِ جنوبی دمگاں ھم روانی گیش بوتگ کہ اودا اے وھد ءَ نزیک ءَ 190 ہزار کیوبک میٹر ءِ روانی اِنت۔ دریائے ستلج ءِ تہ ءَ سیلاب ءِ جاور ھال ءِ سبب ءَ ضلع قصور میں پھول نگر، رکھ خانکے،نتھے خلص، لمبے جاگیر،کوٹ سردار، ہنجارے کلہ-بھٹروالکا ءُ نوشیرہگائے ءِ دمگ آماچ بوت کن اَنت۔ پاک پتن، وہاڑی، ننکانہ صاحب، اوکاڑہ، بہاولنگر ضلع آنی تہ ءَ ھم سیلاب ءِ گمان اِنت۔ اے ھم گشگ بیت کہ مزن وزیر محمد شہباز شریف ءِ ہدایت ءِ رد ءَ این ڈی ایم اے ءِ نیمگ ءَ چہ درستیں ریسکیو ءُ ریلیف ءِ کارانی سر ءَ نگرانی کنگ بوھگ ءَ اِنت۔ نیشنل ایمرجنسی آپریشن سینٹرل 24کلاک ءِ واستہ سرجمی ءَ کار کنگ ءَ انت۔ این ڈی ایم اے سول ءُ فوجی ادارہانی گوما رابطہ ءَ انت۔ این ڈی ایم اے ءَ ہدایت کتگ کہ دریا ءُ آپی راہ ءِ کش ءَ نندوکیں مردم زوت چہ زوت ءَ ایمنیں جاہاں بہ رو انت۔ فوراً دمگی انتظامیہ ءِ ہدایتانی سرا عمل بہ کن ات ءُ ہنگامی جاوراں امدادی ٹیماں گوں رابطہ بہ کن ات۔ سیلاب آماچیں دمگاں بے وسی ءِ سفر کنگ ءَ چہ بہ پھریز اِت۔ یک ایمرجنسی کٹ (آپ، ورگ، دوا) دست ءَ بہ دار اِت ءُ ھاسیں دستاویزاں بہ رکّین اِت۔ دیمتر ءِ رہشونی ءِ ھاتر ءَ NDMA ڈیزاسٹر الرٹ ایپ ءَ کارمرز کن اِت۔