صدر آصف علی زرداری ءَ سرجمیں ملک ءَ سیلاب ءُ ھور ءِ سبب ءَ بوتگیں تباہی ءِ سر ءَ دلپدردیءِ درشانی کتگ

اسلام آباد۔27اگست (اے پی پی):صدر آصف علی زرداری ءَ پنجاب، خیبر پختونخوا، گلگت بلتستان ءُ آزات جموں ءُ کشمیر ءَ سیلاب ءُ ھور ءِ سبب ءَ بوتگیں تباہی ءِ سر ءَ سک باز دلپدردی ءُ رنج ءُ گم ءِ درشانی کتگ ءُ گوشت کہ من ءَ دل یکیمی اِنت کہ پاکستانی راج جزم ءُ دلیری ءِ گوما مشکل آنی دیم ءَ کپ ایت۔ چار شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر آصف علی زرداری ءَ سیلاب ءَ بیران بوتگیں مردمانی ھاندان ءَ گوں دل ءِ تہ ءَ دلپدردی، ھمدردی ءُ سرجمیں یکوئی ءِ درشانی کتگ۔ صدر آصف علی زرداری ءَ گوشت کہ سیلاب ءُ ریل ءِ حادثہ آنی تہ ءَ جانی ءُ مال ءِ تاوان رستگیں ھاندان ءِ ھمراھی ءَ اوشتاتگ۔ صدر ءِ مملکت ءَ کشت ءُ کشاری ءِ فصل ءُ مال ءُ مڈی آنی مزنیں کساس ءَ تاوان ءِ سر ءَ دلپدردی ءِ درشان کت۔ صدر ءِ مملکت ءَ سلاہ بندیں اُرد ءُ کمکی ادارگ آنی بہادری ءُ ازمت آناں شگر ءُ منت گپت ءُ گوشت کہ آزمائش ءِ ساھت ءَ پاکستانی اُرد ءَ الس ءِ ازمت ءِ جوانیں مثال پیش کتگ۔ صدر ءِ مملکت ءَ سندھ حکومت ءَ را ہدایت کتگ کہ آ آیوکیں مزنیں سیلاب ءِ گر ءُ دار ءِ واستہ ترندیں تیاری ءَ بہ کنت۔ صدر ءِ مملکت ءَ گوشت کہ من ءَ دل یکیمی اِنت کہ پاکستانی راج مشکل آنی گوما دلیری ءُ جزم ءِ گوما دیمپانی کنت۔ صدر آصف علی زرداری ءَ گوشت کہ 2010 ءُ 2022 ءِ سیلاب ءِ وڑ ءَ اے رندی ھم راج سوبمند ءُ سوبمند دیم ءَ کئیت۔