اسپیکر قومی اسمبلی سردار ایاز صادق ءَ پنجاب ءِ جتا جتائیں ضلعانی تہا گوستگیں سیلاب ءِ سبب ءَ مال ءُ جانی تاوان ءِ سرا دلپدردی ءُ غم ءِ درشانی کتگ

اسلام آباد۔27اگست (اے پی پی):راجی اسمبلی ءِ اسپیکر سردار ایاز صادق ءَ پنجاب ءِ جتا جتائیں ضلع آنی تہ ءَ گوستگیں سیلاب ءِ سبب ءَ جانی ءُ مال ءِ تاوان ءِ سر ءَ دلپدردی ءُ رنج ءُ گم ءِ درشانی کتگ۔ آئی ءَ گوشت کہ گوستگیں مون سون ءِ ھور آنی آسر ءَ دریا آنی تہ ءَ آپ ءِ تہ ءَ بے دروریں گیشی بوتگ ایشی ءِ سبب ءَ الس سک باز مشکل آنی آماچ بوتگ انت۔ آئی ءَ گوشت کہ آزمائش ءِ اے گرانیں ساھت ءَ پارلیمنٹ ءُ سرجمیں راج آماچیں برات ءُ گھار آنی گوما سرجمیں رنگ ءَ یکوئی ءِ درشان کن اَنت۔ اسپیکر سردار ایاز صادق ءَ سیادی داروکیں ادارگ ءُ ضلعی انتظامیہ ءَ را ہدایت کت کہ آ آماچیں دمگاں وھد ءِ سر ءَ جوانیں ریلیف ءُ ریسکیو آپریشن ءَ را دل یکیمی بہ کن اَنت ءُ آماچیں مردم آناں ھمک رنگ ءِ کمک پجاری ءِ واستہ ٹھوس گامگیج بہ زور اَنت۔ آئی ءَ چہ احتیاطی گامگیج ءِ رد ءَ دریا آنی کش ءُ گوراں نندوکیں شہری آناں چہ دزبندی کتگ کہ آ ایمن تریں جاھاں بہ رو اَنت۔ آئی ءَ گوشت کہ سیلاب ءِ بوت کنوکیں ھترہ آنی رد ءَ الس ھمک رنگ ءِ رکھینگ ءِ گامگیج بہ زور اَنت۔ اسپیکر سردار ایاز صادق ءَ بھارت ءِ نیمگ ءَ چہ پیسریگیں ھال ءِ رد ءَ دریا آنی تہ ءَ آپ ءِ یلہ کنگ ءِ غیر ذمہ دارانہ گامگیج ءِ سک باز مذمت کتگ۔ آئی ءَ گوشت کہ بھارت ءَ میاں اوستمانی کانود آنی مزنیں ھلاپ ورزی ءِ تہ ءَ یک وھدے ءَ غیر معمولی کساس ءَ آپ ءِ ریلیز کتگ ایشی ءِ آسر ءَ پاکستان ءَ سیلاب ءِ تباہ کنوکیں جاور ھال دیم ءَ اتکگ انت ایشی ءِ سبب ءَ پاکستان ءَ کھرب آنی تاوان ءِ برداشت کنگ ءَ انت۔ آئی ءَ اے گپ ءِ پدرائی کت کہ بھارت ءِ اے گامگیج نہ ایوک ءَ انسانیت دوستی ءِ اصولانی ھلاپ اِنت بلکیں میاں اوستمانی رہبندانی ھاسیں ھلاپ ورزی اِنت۔