مزن وزیر شہباز شریف ءَ جاپانی بینک ءِ کارندہ ءَ گوں گند ءُ نند کتگ، پاکستان ءَ سرمایہ کارانی واستہ ایمنیں ملک جوڑ کنگ ءِ جزم

اسلام آباد۔27اگست (اے پی پی):مزن وزیر محمد شہباز شریف ءَ گوشت کہ آ پاکستان ءَ را سرمایہ کار ءُ سرمایہ کاری ءِ واستہ ایمنیں ملک جوڑ کنگ ءِ واستہ جزمیگ آں۔ پاکستان ءُ جاپان ءِ نیام ءَ گوستگیں وھد ءَ صنعت ءُ تجارت ءِ پڑ ءَ مھکمیں کمک بوتگ ۔ پاکستان جاپان ءِ گوما سفارتی ءُ اقتصادی کمک ءَ را ارزشت دنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی جاپان بینک برائے میاں اوستمانی کمک ءِ محکمہ ءِ کان کنی ءُ میٹل فنانس ءِ ڈائریکٹر جنرل تارو کاٹو ءَ گوں تران کنان ءَ کت آئی ءَ چار شمبے ءِ روچ ءَ مزن وزیر ءَ گوں گند ءُ نند کت۔ مزن وزیر ءَ گوشت کہ پاکستان جاپان ءِ گوما سفارتی ءُ اقتصادی کمک ءَ را ارزشت داریت۔ پاکستان ءُ جاپان ءِ نیام ءَ گوستگیں وھد ءَ صنعت ءُ تجارت ءِ پڑ ءَ مھکمیں کمک بوتگ ۔ دوئیں ملک اقتصادی کمک ءِ نوک کنگ ءِ ھاترا جزم انت۔ آئی ءَ گوشت کہ پاکستان جاپانی سرمایہ کار ءُ بینک آنی واستہ پاکستان ءَ سرمایہ کاری کنگ ءِ واستہ ھمک رنگ ءِ آسراتی پجارین ایت۔ آئی ءَ گوشت کہ پاکستان جاپان ءِ ٹیکنالوجی ءِ نوآبادیاتی ءُ کشت ءُ کشاری، آئی ٹی، ٹیکسٹائل ءُ ایندگر شوبگ آنی تہ ءَ پیشہ وارانہ مہارت ءَ چہ مزنیں کساس ءَ سیت چست کت کنت، میاں اوستمانی مالیاتی ادارگ ءُ میاں اوستمانی سرمایہ کار پاکستان ءَ مزنیں اقتصادی ءُ دیمروئی منصوبگ آنی تہ ءَ وتی سکیں واھشت ءِ درشان کنگ ءَ انت ءُ کمک پجاری کنگ ءَ انت۔ آئی ءَ گوشت کہ پاکستان ءِ ارزانیں لیبر مارکیٹ ءَ چہ میاں اوستمانی سرمایہ کار آنی واستہ مقابلہ ءِ چاگرد پجارینگ بیت، ءُ آ پاکستان ءَ را سرمایہ کار ءُ سرمایہ کاری ءِ واستہ ایمنیں ملک جوڑ کنگ ءِ واستہ جزمیگ اَنت۔ جاپان بینک فار انٹرنیشنل کوآپریشن ءِ کان کنی ءُ دھاتی مالیاتی محکمہ ءِ ڈائریکٹر جنرل تارو کاٹو ءَ پاکستان ءِ حکومت ءُ پاکستان ءِ مہمانداری ءِ سرا پاکستان ءِ مہمانداری ءِ سرا منت گپت ءُ پاکستان ءِ تہا اقتصادی منصوبگ آنی تہا جاپانی سرمایہ کار ءُ بینک آنی دلچسپی ءُ کمک ءَ گیش گیش کنگ ءِ واھشت ءِ درشانی کت۔