چیئرمین سینیٹ سیدیوسف رضاگیلانی تون اسپین نا سینیٹر ویسنٹ ایز پیٹارٹ پیریز نا اوڑدہی

اسلام آباد۔ 27 اگست (اے پی پی) چیئرمین سینیٹ سید یوسف رضاگیلانی تون اسپین نا سینیٹر ویسنٹ ایزپیٹارٹ پیریز اوڑدہی کرے ہراٹی واپاری و دودوربیدہ ئی ڈل آتا ہن و بر اٹی ترندی اتنگ و السی رابطہ غاتے مون آ دننگ آ زور شاغنگا۔ اوڑدہی ٹی چیئرمین سینیٹ پارے کہ پاکستان و اسپین نا نیام اٹ ہڑتوم آ کنڈآتا تعلقداری پین سوگو کننگ وخت انا اہم گرج ءِ ، توانائی، موسمیاتی بدلی، سیکورٹی نا بشخ آتیٹی کمکاری ءِ ودفنگ نا گیشتر گنجائشت ساڑی ءِ۔ چیئرمین سینیٹ اسپین نا تاریخی، دودوربیدہ ئی میرات نا ستاءِ کرے۔ اوڑدہی ٹی آئی ایس سی نا نومبر اٹی مروک آ کانفرنس آ ہم گپ وتران کننگا۔ چیئرمین سینیٹ نا پاننگ ئس کہ بین الپارلیمانی اسپیکرز کانفرنس(آئی ایس سی) اسہ اہم ءُ فورم اسے۔ چیئرمین سینیٹ اسپین نا پارلیمانی ڈل ءِ آئی ایس سی نا اسلام آباد اٹی اڈہلوک آ کانفرنس اٹی بشخ ہلنگ نا سلہ خلک۔ چیئرمین سینیٹ اسپین نا باسک سینیٹ کن نیک است خواہی نا درشانی ءِ ہم کرے۔