دریائے چناب اٹی خانکی نا ہند آ دِیر انا وہینگ 10 لکھ کیوسک آن گدرینگا، این ڈی ایم اے

اسلام آباد۔ 27 اگست (اے پی پی) دریائے چناب اٹی خانکی نا ہند آ دِیر انا وہینگ 10 لکھ کیوسک آن گدرینگانے وخت اس کہ ہیڈورکس نا ڈیزین کروک گنجائشت 8 لکھ کیوسک ءِ، ترند نوکاپی دِیر انا سوب ہیڈورکس نا ہائیڈرولک پنجر ءِ نسخان مننگ کیک۔ این ڈی ایم اے آن چارشنبے نادے آ جاری بیان نا رداٹ وزیراعظم نا پارت آ این ڈی ایم اے غٹ ریسکیو آپریشن نا چاروکی ءِ کننگ ءِ، السی رکھی گام گیج آتے پک کے، ہندی انتظامیہ نا پارت آتیا دمدستی عمل کے و کمکی ٹیم آتون رابطہ تخر، نوکاپ زدہ علاقہ غاتیٹی بے گرج سفرآن پورو پاریز کیر۔