اسلام آباد۔ 27 اگست (اے پی پی) پاکستان غزہ نا علاقہ خان یونس اٹی نصر ہسپتال آ اسرائیلی فضائی جلہو نا ترندی اٹ مذمت ءِ کرسا جہانی برادری اسرائیل ءِ سفاکانہ ڈوہ آ جوابدہ کے و اونا بے لغام جارحیت ءِ توننگ کن گچین گام گیج کننگے۔ چارشنبے نادے آ دفترخارجہ غان جاری بیان اٹی پاننگانے کہ پاکستان غزہ ناعلاقہ خان یونس اٹی نصر ہسپتال آ اسرائیلی فضائی جلہو نا …
جہانی برادری اسرائیل ءِ سفاکانہ ڈوہ تیا جوابدہ کے، جارحیت ءِ توننگ کن گچین گام گیج کننگے، پاکستان
گیشتریں ھال
اسلام آباد۔ 27 اگست (اے پی پی) پاکستان غزہ نا علاقہ خان یونس اٹی نصر ہسپتال آ اسرائیلی فضائی جلہو نا ترندی اٹ مذمت ءِ کرسا جہانی برادری اسرائیل ءِ سفاکانہ ڈوہ آ جوابدہ کے و اونا بے لغام جارحیت ءِ توننگ کن گچین گام گیج کننگے۔ چارشنبے نادے آ دفترخارجہ غان جاری بیان اٹی پاننگانے کہ پاکستان غزہ ناعلاقہ خان یونس اٹی نصر ہسپتال آ اسرائیلی فضائی جلہو نا ترندی اٹ مذمت ءِ کیک ہراٹی چار صحافی و اسہ ریسکیو کارندہ سے تون اوار کم ازکم 21 بے گناہ بندغ زوال کرینو۔ ترجمان دفترخارجہ پارے کہ اسہ طبی مرکز اسے آ وحشیانہ و سفاکانہ جلہو و الس شاری و صحافی تے پدریسہ شست کننگ جہانی انسانی و انسانی حق انا کانود و آجوئی صحافت نا پاش آن پاش خلاف ورزی ءِ، جہانی برادری اسرائیل ءِ داوڑنا سفاکانہ ڈوہ تیا جوابدہ کے و اونا بے لغام جارحیت ءِ توننگ کن گچین گام گیج کننگے۔ ترجمان اسرائیلی فوج انا کنڈآن شام انا گل زمین آ کروک آ جارحیت ءِ ہم جہانی کانود و اقوام متحدہ نا چارٹر نا خلاف ورزی گوندسا اونا سخت ترین لوز آتیٹی مذمت ءِ کرینے وپارینے کہ پاکستان شام انا وتواجہی، آجوئی و علاقائی سالمیت نا پورو مخ تفی ءِ کیک و جہانی برادری آن خواست کیک کہ اسرائیل ءِ مچ آ ڈیہہ انا امن و سوگوی ءِ نسخان تننگ آن توننگے۔
