اسلام آباد۔ 27 اگست (اے پی پی) بنجائی وزیر امور کشمیر و گلگت بلتستان انجینئر امیر مقام چارشنبے نادے آ گلگت نا پروانشل ایمرجنسی سینٹر نا دورہ ءِ کرےہراڑے چیف سیکرٹری ابراراحمد مرزا و ڈائریکٹر جنرل جی بی ڈیزاسٹر مینجمنٹ اتھارٹی اودے بخیرکریر، دا دورہ ساڑی آ نوکاپی حالیت آتار داٹ کننگا۔ سیکرٹری داخلہ علی اصغر و ڈی جی ڈیزاسٹر مینجمنٹ اتھارٹی بنجائی وزیر ءِ زہمی علاقہ و برجاککی کارروائی …
بنجائی وزیر انجینئر امیر مقام نا پروانشل ایمرجنسی سینٹر گلگت نا دورہ، بڑزکو کمامدارآک نوکاپ آن زہمی علاقہ و کمکی کارروائی تا بارواٹی حوال تسر
گیشتریں ھال
اسلام آباد۔ 27 اگست (اے پی پی) بنجائی وزیر امور کشمیر و گلگت بلتستان انجینئر امیر مقام چارشنبے نادے آ گلگت نا پروانشل ایمرجنسی سینٹر نا دورہ ءِ کرےہراڑے چیف سیکرٹری ابراراحمد مرزا و ڈائریکٹر جنرل جی بی ڈیزاسٹر مینجمنٹ اتھارٹی اودے بخیرکریر، دا دورہ ساڑی آ نوکاپی حالیت آتار داٹ کننگا۔ سیکرٹری داخلہ علی اصغر و ڈی جی ڈیزاسٹر مینجمنٹ اتھارٹی بنجائی وزیر ءِ زہمی علاقہ و برجاککی کارروائی تا بارواٹی حوال تسر ہراٹی چیف سیکرٹری ابرار احمد مرزاتون اوار ایلو بڑزکو سرکاری آفیسر آک ہم بشخ ہلکر و نوکاپ آن ودی مروک آ حالیت آتیا سرجمی اٹ رپورٹ اس پیش کریر۔ داوخت آ فیڈرل سیکرٹری امور کشمیر و گلگت بلتستان ظفرحسن، مسکوہی وزیراعلیٰ و صوبائی صدر مسلم لیگ (ن) گلگت بلتستان حفیظ الرحمان ، صوبائی وزیر انجینئر محمد انور و صوبائی وزیر غلام محمد تون اوار ایلو بڑزکو کمامدارآک ہم ساڑی ئسر۔ بنجائی وزیر انتظامیہ نا کوشست آتا ستاءِ کرسا بنجائی حکومت نا کنڈآن پورو کمکاری نا باوری کرفے۔ اوپارت کرے کہ زہمی علاقہ غاتیٹی دمدستی ریلیف نا فراوانی ءِ پک کننگے۔ داکان مست بنجائی وزیر انجینئر امیر مقام مسہ دے ئی سرکاری دورہ غا گلگت بلتستان آ سرمس، او نوکاپ آن زہمی علاقہ غاتا جاچ ءِ ہلیک۔ امیر نوکاپ آن زہمی تتون اوڑدہی کیک و مخلوق نا ویل آتے بِنک۔
