گلگت۔ 27 اگست (اے پی پی) بنجائی وزیر امور کشمیر، گلگت بلتستان و سیفران انجینئر امیر مقام وزیراعظم نا خصوصی پارت آ مسہ دے ئی سرکاری دورہ غا گلگت آ سرمس ۔ گلگت بالی پٹ آ صوبائی وزیر انجینئر محمد انور، کمشنر گلگت تون اوار بڑزکو سرکاری کمامدار و مسلم لیگ (ن) نا راہشونک اودے جم وجوش اٹ بخیرکریر۔ بخیرکروک آتیٹی مسکوہی خصوصی کمکار فاروق میر، مسکوہی وزیر تعمیرات ڈاکٹر …
بنجائی وزیر انجینئر امیر مقام مسہ دے ئی سرکاری دورہ غا گلگت آ سرمس
گیشتریں ھال
گلگت۔ 27 اگست (اے پی پی) بنجائی وزیر امور کشمیر، گلگت بلتستان و سیفران انجینئر امیر مقام وزیراعظم نا خصوصی پارت آ مسہ دے ئی سرکاری دورہ غا گلگت آ سرمس ۔ گلگت بالی پٹ آ صوبائی وزیر انجینئر محمد انور، کمشنر گلگت تون اوار بڑزکو سرکاری کمامدار و مسلم لیگ (ن) نا راہشونک اودے جم وجوش اٹ بخیرکریر۔ بخیرکروک آتیٹی مسکوہی خصوصی کمکار فاروق میر، مسکوہی وزیر تعمیرات ڈاکٹر محمد اقبال، مسکوہی وزیر کانود اورنگزیب ایڈووکیٹ، مسلم لیگ (ن) یوتھ ونگ انا صوبائی صدر ذوالفقار علی، مسلم سٹوڈنٹس فیڈریشن (ن) نا صوبائی صدر رضوان راٹھور، سینئر راہشون محمد ثابت و نائب صدر مسلم لیگ (ن) گلگت بلتستان ساجد علی ئسک ہم اوار ئسر۔ انجینئر امیر مقام مسہ دے ئی دورہ ٹی نوکاپ آن زہمی علاقہ غاتیا ہنسا کمکی کارروائی تا تینٹ جاچ ءِ ہلیک، داوخت آ او زہمی تتون اوڑدہی کرسا اوفتا ویل آتے ہم بِنک۔ اوپارے کہ بنجائی حکومت نوکاپ آن زہمی تا پورو بحالی کن سنبرینگوک ءِ و غٹ دوئی وسیلہ غاتے کاریم اٹ اتنگ انگ ءِ۔ دورہ ٹی گلگت بلتستان نا بڑزکو سرکاری کمامدار و بنجائی ادارہ غاک انجینئر امیر مقام ءِ حوال ہم ایترہ۔
