وزیر داخلہ محسن نقوی ءَ پارک روڈ سی ڈی اے ماڈل نرسری ءِ تر ءُ تاب کت، جتا جتائیں سیکشن آنی سر ءَ جاری دیمروئی کار آنی چار ءُ تپاسی کت، ماسٹر پلان ءِ سر ءَ چار ءُ تپاسی

اسلام آباد۔26اگست (اے پی پی): وفاقی وزیر داخلہ محسن نقوی ءَ پارک روڈ ءِ سر ءَ جاہ منندیں سی ڈی اے ماڈل نرسری ءِ تر ءُ تاب کت، اودا آئی ءَ جتا جتائیں سیکشن آنی سر ءَ جاری دیمروئی کار آنی چار ءُ تپاسی کت ءُ ماسٹر پلان ءِ سر ءَ چار ءُ تپاسی کت۔ آئی ءَ نرسری ءَ جوڑ بوتگیں بارش ءِ آپ ءِ کٹائی ءِ تالاب ءِ ھم چار ءُ تپاسی کتگ۔ اے موہ ءِ سر ءَ سی ڈی اے ءِ چیئرمین محمد علی رندھوا ءَ وزیر تہی کار آناں نرسری ءِ تہ برجاھیں دیمروئی کار آنی ھوالگ ءَ سرجمیں بریفنگ دات۔ سی ڈی اے، اے ڈی سی جی ءِ باسک ءُ اے دگہ سیادی داروکیں کارندہ ھم ھوار اتنت۔ بریفنگ ءِ تہ ءَ گوشت کہ نرسری ءَ نوکیں ءُ منفرد کنٹرولڈ وینٹیلیٹڈ گرین ہاؤس جوڑ کنگ بوتگ ایشی ءَ چہ پودگ آنی دیمروئی ءِ واستہ جوانیں چاگرد ءِ پجارینگ بیت۔ اے سال ءَ تاں انوگ ءَ مون سون ءِ موسم ءَ 25 ہزار مفت ءِ پودے بہر کنگ بوتگ وھدے کہ باکو ءِ باغبانی ءِ ماہرین اے منصوبہ ءِ تہا کمک کنگ ءَ انت۔ محسن نقوی ءَ گوشت کہ اے منصوبگ اسلام آباد ءِ شہری آنی باغبانی ءِ ضلورت آنی پیلو کنگ ءَ سنگ میل ءِ رنگ ءَ ثابت بیت۔ نرسری ءَ پُل ءِ دکان ءُ تربیتی ادارگ ھم جوڑ کنگ بیت، وھدیکہ سی ڈی اے ءِ کارندہ آناں پودگ ءِ چار ءُ بچار ءِ واستہ ھاسیں تربیت دیگ بیت۔ وزیر داخلہ ءَ آذربائیجان ءِ ٹیم ءَ را جوانیں کار ءِ سرا مبارکی دات۔ زانگ بہ بیت کہ وفاقی دارالحکومت ءَ چاگردی رکھینگ ءُ سموگ ءِ جیڈھ ءَ گوں گر ءُ چیل بوھگ ءِ ھاترا پاکستان ءِ مزنیں ماڈل نرسری ءِ جوڑ کنگ ءِ پیسلہ کنگ بوتگ کہ ایشی ءِ تہ ءَ 50 ایکڑ ھوار بہ بنت۔ نرسری ءَ یک ملین پودے ءِ کشگ بیت، وھدے کہ اے نوکیں لوٹانی رد ءَ جوڑ کنگ بوھگ ءَ اِنت۔