جدہ۔26اگست (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ مصر، الجزائر ءُ شمالی افریقہ ءِ ملک آنی گوما جتا جتائیں پڑ آنی تہ ءَ کمک ءَ را گیش شاھیگانی دیگ ءِ وتی جزم ءِ یک رندے پدر کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ او آئی سی ءِ دری کارانی کونسل ءِ بیست ءُ یکمی دیوان ءِ …
نائب مزن وزیر ءُ دری کارانی وزیر سینیٹر محمد اسحاق ڈار ءَ مصر، الجزائر ءُ شمالی افریقہ ءِ ملک آنی گوما جتا جتائیں پڑ آنی تہ ءَ کمک ءَ را گیش شاھیگانی دیگ ءِ جزم ءِ درشان
گیشتریں ھال
جدہ۔26اگست (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ مصر، الجزائر ءُ شمالی افریقہ ءِ ملک آنی گوما جتا جتائیں پڑ آنی تہ ءَ کمک ءَ را گیش شاھیگانی دیگ ءِ وتی جزم ءِ یک رندے پدر کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ او آئی سی ءِ دری کارانی کونسل ءِ بیست ءُ یکمی دیوان ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ مصر ءِ دری کارانی وزیر بدر عبدلطی ءُ الجزائر ءِ دری کارانی وزیر احمد عطاف ءَ گوں گند ءُ نند کتگ۔ نائب مزن وزیر ءُ درئی کارانی وزیر محمد اسحاق ڈار ءَ گوشت کہ ما فلسطین ءِ گرانیں جاور ھال آنی سر ءَ گپ ءُ تران کتگ ءُ اے گرانیں وھد ءَ مسلمان امت ءِ نیام ءَ یکوئی ءِ ارزشت ءِ سر ءَ زور پر داتگ ءُ انسانی کمک ءِ رسائی، جنگ بندی ءُ دائمی امن ءِ ترندیں ضلورت ءِ سر ءَ زور پر داتگ۔ اسحاق ڈار ءَ گوشت کہ آئی ءَ پاکستان ءِ جزم ءِ سر ءَ زور پر دات کہ آ مصر، الجزائر ءُ شمالی افریقہ ءِ مئے براتیں ملک آنی گوما جوانیں رابطہ ءُ جتا جتائیں پڑ آنی تہ ءَ گیشیں کمک ءِ وسیلگ ءَ سیادی ءَ را گیش مھکم کنت۔
