نائب مزن وزیر ءُ دری کارانی وزیر اسحاق ڈار ءَ ترکی ءِ دری کارانی وزیر ءَ گوں گند ءُ نند کت، فلسطینی الس ءَ گوں یکوئی ءِ درشان کت، دونیمگی کمک ءَ را گیش دیمروئی دیگ ءِ جزم ءِ درشان

جدہ ۔26اگست (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءُ ترکی ءِ دری کارانی وزیر ہاکان فیدان ءَ فلسطینی الس ءِ گوما یکوئی ءِ درشان کنگ ءُ دو نیمگی کثیر نیمگی کمک ءَ را گیش دیمروئی دیگ ءِ وتی جزم ءِ پدا زور داتگ۔ سئے شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ او آئی سی ءِ دری کارانی کونسل ءِ بیست ءُ یکمی غیر معمولی دیوان ءِ ساھت ءَ نائب مزن وزیر ءُ دری کارانی وزیر اسحاق ڈار ءُ ترکی ءِ دری کارانی وزیر ھاکان فدان ءَ گند ءُ نند کتگ۔ گند ءُ نند ءِ ساھت ءَ نائب مزن وزیر ءُ دری کارانی وزیر ءَ او آئی سی ءِ دری کارانی کونسل ءِ سروکی ءَ ترکی ءِ سروکی ءِ کرد ءَ را ساڑات۔ دوئیں دری کارانی وزیراں فلسطینی الس ءِ گوما وتی مھکمیں یکوئی ءِ پدرائی کت ءُ اے گپ ءِ سر ءَ زور پر دات کہ فلسطین ءَ انسانی ڈکال ءُ قحط ءِ رنگ ءَ سنگینیں رنگے زرتگ، ایشی ءِ واستہ ترندیں انسانی کمک ءِ ضلورت اِنت ءُ ریلیف ءِ پھجارینگ المی اِنت۔ اے موہ ءِ سر ءَ دوئیں سروکاں پاکستان ءُ ترکی ءِ نیام ءَ براتی سیادی ءِ سر ءَ ھم وشھالی ءِ درشانی کت ءُ کثیر جہتی کمک ءَ را گیش دیمروئی دیگ ءِ واستہ وتی جزم ءِ درشان۔