مزن وزیر دریائے ستلج ءَ سیلاب ءِ جاور ھال ءِ رد ءَ آماچیں دمگ آنی تہ ءَ اوشتاتگیں مردم آنی درکنگ ءِ واستہ ترندیں گامگیج آنی پنت ءُ شون کت

اسلام آباد۔26اگست (اے پی پی): مزن وزیر محمد شہباز شریف ءَ دریائے ستلج ءَ سیلاب ءِ جاور ھال ءِ رد ءَ آماچیں دمگ آنی تہ ءَ اوشتاتگیں مردم آنی درکنگ ءِ واستہ ترندی ءَ گوں گامگیج چست کنگ ءُ ایمنیں جاھاں سر کنگ ءِ پنت ءُ شون کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ دریائے ستلج ءَ سیلاب ءِ جاور ھال ءِ ھوالگ ءَ چیئرمین نیشنل ڈیزاسٹر مینجمنٹ اتھارٹی ءَ را پنت ءُ شون جاری کتگ۔ مزن وزیر ءَ پنت ءُ شون کت کہ پنجاب ءِ آماچیں ضلع آنی تہ ءَ دریائے ستلج ءَ چہ ریسکیو آپریشن ءَ را گیش ترند کنگ بہ بیت، سیلاب ءَ چہ آماچیں دمگ آنی تہ ءَ اوشتاتگیں مردم آناں یلہ کنگ ءُ ایمنیں جاھاں سر کنگ ءِ واستہ ترندی ءَ گوں گامگیج چست کنگ بہ بیت، سیکورٹی گامگیج ءُ نگرانی ءَ را گیش کنگ بہ بیت، دوائی ءُ تمبو ءِ ضمانت دیگ بہ بیت۔ مزن وزیر ءَ چیئرمین این ڈی ءَ گوں گند ءُ نند کت ایم اے ءَ را پنجاب ڈیزاسٹر مینجمنٹ اتھارٹی ءِ گوما سرجمیں رابطہ ءَ برجم دارگ ءِ ھم پنت ءُ شون کنگ بوتگ۔