وزیراعظم شہباز شریف تون ایئرچیف مارشل ظہیر احمد بابر سدھو نا اوڑدہی، پاک فضائیہ نا کسبی امور تیا گپ وتران

اسلام آباد۔ 26 اگست (اے پی پی) وزیراعظم محمد شہباز شریف لمہ وطن نا دفاع کن پاک فضائیہ نا کڑد ءِ شاندار خراج تحسین پیش کرساپارینے کہ معرکہ حق اٹی پاک فضائیہ نا شاہینک دشمن ناجہاز ءِ بٹسا اودے کاری ضرب اس خلکر ۔ وزیراعظم آفس نا میڈیا ونگ انا کنڈآن جاری بیان نارداٹ وزیراعظم تون پاک فضائیہ نا سروک ایئرچیف مارشل ظہیر احمد بابر سدھو سے شنبے نادے آداڑے اوڑدہی کرے۔ وزیراعظم لمہ وطن نا دفاع نا بابت پاک فضائیہ نا کڑد ءِ شاندار خراج تحسین پیش کرے۔ اوپارے کہ پاک فضائیہ نا شاہین وطن عزیز نا رکھ اکن سوگو ءُ دیوال اسے ءُ۔ اوڑدہی ٹی پاک فضائیہ نا کسبی امور نا بابت گپ وتران کننگا۔