وزیراعظم نا دریائے ستلج اٹی نوکاپی حالیت آتا رداٹ زہمی علاقہ غاتیٹی اختہ مروک آبندغ آتا کشنگ کن دمدستی گام گیج نا پارت

اسلام آباد۔ 26 اگست (اے پی پی) وزیراعظم محمد شہباز شریف دریائے ستلج اٹی نوکاپی حالیت آتا رداٹ زہمی علاقہ غاتیٹی اختہ مروک بندغ آتا کشنگ و اوفتے رکھوک ہند آتیا سرکننگ کن دمدستی گام گیج کننگ ناپارت کرینے۔ سے شنبے نادے آ وزیراعظم آفس نا میڈیا ونگ آن جاری بیان نارداٹ وزیراعظم دریائے ستلج اٹی نوکاپی حالیت آتیاچیئرمین نیشنل ڈیزاسٹر مینجمنٹ اتھارٹی (این ڈی ایم اے) ءِ پارت جاری کرینے۔ وزیراعظم پارت کرے کہ دریائے ستلج آن پنجاب نا زہمی ضلع غاتیٹی ریسکیو آپریشن آتے ترند کننگے، نوکاپ آن زہمی علاقہ غاتیٹی اختہ مروک بندغ آتا کشنگ و اوفتے رکھوک ہند آتیا سرکننگ کن دمدستی گام گیج کننگے، دریائے ستلج اٹی گنڈاسنگھ والا نا ہند آ نوکاپی حالیت آتا رداٹ رکھی گام گیج و چاروکی ءِ ترند کننگے، خور، دوائی وتمبہ تا فراوانیءِ پک کننگے۔ وزیراعظم چیئرمین این ڈی ایم اے ءِ پنجاب نا ڈیزاسٹر مینجمنٹ نا ادارہ تون پورو رابطہ ٹی مننگ نا ہم پارت کرینے۔