جدہ۔ 26 اگست (اے پی پی) نائب وزیراعظم و وزیرخارجہ سینیٹر محمد اسحاق ڈار مصر، الجزائرو قطبی افریقہ نا ملک آتون چندی بشخ آتیٹی کمکاری ءِ پین ودفنگ نا عزم انا درشانی ءِ کرینے۔ دفترخارجہ غان جاری بیان نا رداٹ نائب وزیراعظم و وزیرخارجہ سینیٹر محمد اسحاق ڈار نا مصر انا وزیر خارجہ بدر عبدلطی و الجزائر نا وزیرخارجہ احمد عطاف تون اوآئی سی وزراء خارجہ کونسل نا 21 می …
نائب وزیراعظم و وزیرخارجہ سینیٹر محمد اسحاق ڈار نا مصر، الجزائر و قطبی افریقہ نا ملک آتون چندی بشخ آتیٹی کمکاری ءِ پین ودفنگ نا عزم انا درشان
گیشتریں ھال
جدہ۔ 26 اگست (اے پی پی) نائب وزیراعظم و وزیرخارجہ سینیٹر محمد اسحاق ڈار مصر، الجزائرو قطبی افریقہ نا ملک آتون چندی بشخ آتیٹی کمکاری ءِ پین ودفنگ نا عزم انا درشانی ءِ کرینے۔ دفترخارجہ غان جاری بیان نا رداٹ نائب وزیراعظم و وزیرخارجہ سینیٹر محمد اسحاق ڈار نا مصر انا وزیر خارجہ بدر عبدلطی و الجزائر نا وزیرخارجہ احمد عطاف تون اوآئی سی وزراء خارجہ کونسل نا 21 می دیوان نا وخت آ اوڑدہی مس۔ نائب وزیراعظم و وزیرخارجہ محمد اسحاق ڈار پارے کہ نن فلسطین نا سنگین حالیت آتیا گپ وتران کرینن و دامشکل وخت اٹی مسلم امہ نا نیام اٹ سیوت نااہمیت ءِ تالان کرسا انسانی ہمدردی نا بنداو آرسینگ، جنگ بندی و دیرپاامن نا دمدستی گرج آ زور شاغانے۔ اسحاق ڈار پارے کہ او مصر، الجزائر و قطبی افریقہ نا تینا ایلم ملک آتون چندی بشخ آتیٹی گچین رابطہ و گیشتر کمکاری نا کمک اٹ تعلقداری ءِ پین سوگو کننگ کن پاکستان نا عزم انا درشانیءِ کرینے۔
