بنجائی وزیر خزانہ محمد اورنگزیب نا پی وی اے آراے بورڈ انا اولیکو دیوان آن تران

اسلام آباد۔ 26 اگست (اے پی پی) بنجائی وزیر خزانہ ومحصولات سینیٹر محمد اورنگزیب پارینے کہ پاکستان ءِ جہانی ورچوئل ایسیٹس زرگزران اٹی قائدانہ ہند اس ترفنگ اٹ پاکستان ورچوئل ایسیٹس ریگولیٹری اتھارٹی نا کڑد بھاز اہمیت تخک۔ اوداہیت ءِ سے شنبے نادے آ داڑے پاکستان ورچوئل ایسیٹس ریگولیٹری اتھارٹی (پی وی اے آراے) بورڈ انا اولیکو دیوان آن تران کرسا پارے۔ دیوان اٹی بنجائی وزیر خزانہ ءِ خصوصی وڑاٹ بٹنگاسس۔ وزیر مملکت کرپٹو و بلاک چین و چیئرمین پی وی اے آراے بلال بن ثاقب، گورنر اسٹیٹ بینک آف پاکستان، وزارت ءِ آئی ٹی و وزارت ءِ کانود و انصاف نابنجائی سیکرٹریز، فیڈرل بورڈ آف ریونیو نا چیئرمین ، سیکورٹیز اینڈ ایکسچینج کمیشن آف پاکستان نا چیئرمین و ایلو اہم شریدار بشمول نیشنل سائبر کرائم انویسٹی گیشن ایجنسی نا نمائندہ غاک ہم داوخت آ ساڑی ئسر۔ تینا تران اٹی بنجائی وزیر خزانہ پی وی اے آراے نا جوڑ مننگ ءِ پاکستان نا زرگزرانی ارتقاٹی اسہ انقلابی مزل اس گوندا۔ اودا اتھارٹی نا اہم کڑد آ زور شاغا ہراپاکستان ءِ جہانی ورچوئل ایسیٹس زرگزران اٹ قائدانہ ہند اس ترفنگ اٹ کمکار مریک ۔ وزیرخزانہ پاکستان کرپٹو کونسل نا بنداوی کڑد و اسٹیک ہولڈرز، ادارہ و چاہندار آتون گیشتر سلابت آ منت واری ءِ ہرفے، ہرافتا سوب آن پی وی اے آراے نا جوڑ کننگ اٹ کمک ملا۔ دیوان اٹی اہم اولیت آتیا سجفنگا ہرافتے ٹی پی وی اے آراے ءِ جہانی اینٹی منی لانڈرنگ و دہشت گردی نا مالی کمکاری ءِ توننگ نا آب آتون ہم گرنچ کننگ، ورچوئل ایسیسٹس اٹی مہارت تخوک آ آزاد ڈائریکٹرز نا منظوری کن سفارش کننگ و اتھارٹی نا بنداوی فریم ورک انا ٹہیفنگ اوار ءِ۔