جدہ۔ 26 اگست (اے پی پی) نائب وزیراعظم و وزیرءِ خارجہ سینیٹر محمد اسحاق ڈار و ترکیہ نا وزیرخارجہ ہاکان فیدان فلسطینی الس تون یکجہتی نا درشان و ہڑتوم آ کنڈآتا کثیر الجہتی کمکاری ءِ پین مون آ دننگ نا عزم انا درشانی ءِ کرینو۔ سے شنبے نادے آ دفترخارجہ غان جاری مروک بیان نا رداٹ نائب وزیراعظم و وزیرخارجہ اسحاق ڈار و ترکیہ نا وزیر خارجہ ہاکان فیدان نا …
نائب وزیراعظم و وزیرءِ خارجہ اسحاق ڈار نا ترک وزیرخارجہ تون اوڑدہی ، فلسطینی الس تون یکجہتی نا درشان ، ہڑتوم آ کنڈآتا کثیر الجہتی کمکاری ءِ پین مون آ دننگ نا عزم انا درشان
گیشتریں ھال
جدہ۔ 26 اگست (اے پی پی) نائب وزیراعظم و وزیرءِ خارجہ سینیٹر محمد اسحاق ڈار و ترکیہ نا وزیرخارجہ ہاکان فیدان فلسطینی الس تون یکجہتی نا درشان و ہڑتوم آ کنڈآتا کثیر الجہتی کمکاری ءِ پین مون آ دننگ نا عزم انا درشانی ءِ کرینو۔ سے شنبے نادے آ دفترخارجہ غان جاری مروک بیان نا رداٹ نائب وزیراعظم و وزیرخارجہ اسحاق ڈار و ترکیہ نا وزیر خارجہ ہاکان فیدان نا نیام اٹ اوآئی سی وزراء خارجہ کونسل نا 21 می اہم دیوان نا وخت آ اوڑدہی مس۔ اوڑدہی ٹی نائب وزیراعظم و وزیر ءِ خارجہ اوآئی سی وزراء خارجہ کونسل نا کماشی کن ترکیہ نا قائدانہ کڑد انا ستاءِ کرے۔ ہڑتوم آ وزیرخارجہ غاک فلسطینی الس تون تینا پبی یکجہتی نا درشانی ءِ کریر و داہیت آ زور شاغار کہ فلسطین اٹی انسانی تنکی و قحط سنگین ءُ دروشم اس اختیارکرینے ہراڑکن دمدستی انسانی امداد و ریلیف نا فراوانی المی ءِ۔ داوخت آ ہڑتوم آ راہشونک پاکستان و ترکیہ نا برادرانہ تعلقداری آ ہم است جمی نا درشانی ءِ کریر و کثیر الجہتی کمکاری ءِ پین مون آ دننگ کن عزم انا درشانی ءِ کریر۔
