بنجائی وزیر مذہبی امور و بین المذاہب ہم آہنگی سردار محمد یوسف نا پریس کانفرنس آن تران

اسلام آباد۔ 25 اگست (اے پی پی) بنجائی وزیر مذہبی امور و بین المذاہب ہم آہنگی سردار محمد یوسف پارینے کہ عشرہ رحمت للعالمین یکم تا 12 ربیع الاول قومی و صوبائی کہول آ شایان وڑاٹ اڈتننگک۔ دوشنبے نادے آ بنجائی وزیر ربیع الاول نا بننگ و وزارت نا ایلو سرجزآتا بابت پریس کانفرنس آن تران کرسا پارے کہ قومی اسمبلی و سینیٹ آن پاس شدہ قرارداد آتے مون آ تخسا ملک گیر کہول آ سیر النبی محفل اڈتننگ انگ ءِ۔ اوپارے کہ 1500 می سال ولادت نا رداٹ صوبائی و لوکل حکومت آک ورناچین ءِ سیرت نبوی صلی اللہ علیہ و آلہ وسلم آن آگاہی ایترہ، وزارت مذہبی امور اسلام آباد اٹی 50 می جہانی سیرت البنی کانفرنس اڈتننگ ءِ، ہرانا سرحال ’’سوشل میڈیا نا مفید کاریم اٹ اتنگ نا تعلیم و تربیت اٹی ریاستی زمواری سیرت النبی نا روشنی ٹی ‘‘ تخنگانے وخت اس کہ قومی محفل نعت اڈتننگک۔ وزارت دا چرجوئی ٹی اسہ جوان ءُ پروگرام اس ترتیب تسنے، عشرہ ءِ اڈتننگ نا مسخت دادے کہ سیرت طیبہ غا سرجمی اٹ گپ وتران مرے و ورناتے آگہی دُوبرے، سرکاری ونجی اسکول ، کالج و یونیورسٹی تیٹی عشرہ رحمت اللعالمین نا رداٹ پروگرام اڈتننگے۔ اوپارے کہ سیر ت النبی ءِ مون آتخسا ساڑی آ دور انا ویل آتا ایسری کن اواری اٹ کوشست کروئی مریک، ننے ساڑی آ دور اٹی تینا تعلیم، زرگزران ، راجی قدر ءِ زہمی مننگ آن بچفنگ نا ءِ۔