181 ہزار ورناہاں پیڈ انٹرنشپ سرجم کتگ، 23ارب کلدار اسکالرشپ ءِ رنگ ءَ داتگ، قائمہ کمیٹی ءَ رپورٹ

اسلام آباد۔25اگست (اے پی پی): نیشنل انٹرنشپ پروگرام ءِ چیر دستی ءَ تاں انوگ ءَ یک لکھ 81 ہزار ءَ چہ گیش ورنا آنی پیڈا انٹرنشپ سرجم بوتگ ءُ آھاں کل ءَ 23ارب کلدار اسکالرشپ ءِ رنگ ءَ داتگ۔ ڈائریکٹر جنرل نیشنل انٹرنشپ پروگرام امجد احمد ءَ راجی اسمبلی ءِ بین صوبائی ہم آہنگی ءِ قائمہ کمیٹی ءَ را سرپد کت کہ نیشنل انٹرنشپ پروگرام 2006-07 ءَ بندات کنگ بوتگ ایشی ءِ مول ءُ مراد ایش انت کہ سرکاری ءُ نجی ادارگ آنی تہ ءَ مزنیں وانگ ءُ زانگ ءِ ورناہ آناں روزگار ءِ رسگ ءَ پیسر عملی تربیت ءُ تجربہ دیگ بہ بیت۔ رپورٹ ءِ رد ءَ 2007 ءَ بگر داں 2013ءَ نیشنل انٹرنشپ پروگرام ءِ پنچیں بھر آنی تہ ءَ کل 99306ورنا آنی تہ ءَ انٹرنشپ سوبمندیں رنگ ءَ سرجم بوتگ، اے وھد ءِ تہ ءَ انٹرنشپ آناں 12ارب کلدار ءِ نزیک ءَ وظیفہ دیگ بوتگ۔ ھمک انٹرن ءَ یک سالے ءِ واستہ ماہانہ وظیفہ دیگ بوتگ کہ ایشی ءَ چہ نہ ایوک ءَ آہانی مالی جیڑہ کم بوتگ انت بلکیں آہاں جتا جتائیں سرکاری ءُ نجی ادارہانی تہا عملی تجربہ ءِ ہم رسگ ءِ موہ رستگ۔ رپورٹ ءِ تہ ءَ گوشت کہ مزن وزیر ءِ ورنا آنی تربیت ءِ اسکیم ءِ تہ ءَ 2015ءَ تاں 2018ءَ چہ 81ہزار ءَ چہ گیش ورنا آناں انٹرنشپ دیئگ بوتگ، ایشی ءِ تہ ءَ 22ہزار ءَ چہ گیش زالبول اَنت۔ اے سئیں سال آنی تہ ءَ ورنا آناں نزیک ءَ 11ارب کلدار ءِ اسکالرشپ دیگ بوتگ۔ اے اسکیم ءِ رد ءَ استانی ءُ دمگی کوٹہ ءِ رد ءَ کار ءِ بندوبست کنگ بوتگ۔ اے پروگرام ءَ چہ گیش ءَ چہ گیش پنجاب ءِ ورنا آں سیت زرتگ، وھدیکہ سندھ، خیبر پختونخوا، بلوچستان، فاٹا، آزاد کشمیر، گلگت بلتستان ءُ وفاقی دارالحکومت ءِ ورنا ھم ایشی ءِ تہ ءَ ھوار کنگ بوتگ اَنت۔ رپورٹ ءِ تہ ءَ گوشت کہ نیشنل انٹرنشپ پروگرام ءِ تہ ءَ 2007ءَ تاں 2019ءَ سرجم ءَ 181 ہزار تربیت گپتگیں مردم آناں تربیت دیگ بوتگ۔ گچین بوتگیں ورناہاں یک سال ءِ انٹرنشپ سرجم کتگ۔ اے وھد ءِ تہ ءَ وفاقی حکومت ءَ 23ارب کلدار ءِ کساس ءَ اسکالرشپ داتگ ات بلے فنڈز ءِ نہ بوھگ ءِ سبب ءَ 2019 ءَ چہ اے پروگرام عملی رنگ ءَ غیر فعال بوتگ۔ رپورٹ ءَ مالی سال آنی بابت ءَ ھم ھال داتگ ات، ایشی ءِ رد ءَ 2021-22ءَ 545.4ملین کلدار ایر کنگ بوتگ، ایشی ءَ تہ ءَ 320ملین کلدار کارمرد کنگ بوت کنت۔ 2022-23 ءَ 550.0 ملین کلدار ءِ ھرچ ءُ درچ کنگ بوتگ ایشی ءِ تہ ءَ 360.0 ملین کلدار ھرچ کنگ بوتگ۔ 2023-24 ءَ 570.0 ملین کلدار کارمرد کنگ بوتگ ایشی ءِ تہ ءَ 390.0 ملین کلدار کارمرد کنگ بوتگ وھدے کہ 530.0 ملین کلدار رواں مالی سال 2025-26 ءِ واستہ دارگ بوتگ، بلے ایشی ءِ تہ ءَ جولائی ءَ تاں 379.0 ملین کلدار کارمرد کنگ بوتگ۔ ءِ خالی ءُ وھد ءِ سر ءَ فنڈز ءِ نہ بوھگ ءِ سبب ءَ آئی ءَ گوشت۔ نیشنل انٹرنشپ پروگرام ءَ قائمہ کمیٹی آناں سوج دات کہ نیشنل انٹرنشپ پروگرام ءَ را یک مرکزی کردے دیگ بہ بیت کہ آ جتا جتائیں محکمہ ءُ ادارگ آنی تہ ءَ شنگ ءُ تالانیں انٹرنشپ پروگرام آناں یک چتر ءِ چیر ءَ آرگ بہ بیت۔ آئی ءَ گوشت کہ چیاکہ این آئی پی ءَ را راجی تک ءَ انٹرنشپ ءِ انتظام ءِ تہ ءَ مزنیں تجربگ است انت، اے ادارگ ورنا آناں عملی تربیت ءِ پجارینگ ءُ آیوکیں وھد ءَ روزگار ءِ واستہ جوانیں موہ پجارینگ ءِ تہ ءَ ھاسیں کرد پیلو کت کنت۔