وفاقی وزیر انجینئر امیر مقام شانگلہ ءَ زمین چنڈ ءَ چہ آماچیں زھگ ءِ گند ءُ نند ءَ انت، زھگ ءَ را سرجمیں طبی چکاس ءِ ھاتر ءَ نادراھجاہ ءَ شنگ کنگ ءِ پنت ءُ شون

شانگلہ۔ 25 اگست (اے پی پی): وفاقی وزیر ءُ صدر پاکستان مسلم لیگ خیبر پختونخوا انجینئر امیر مقام ءَ شانگلہ ءَ زمین چنڈ ءَ چہ آماچیں ھاندان ءَ گوں گند ءُ نند کتگ ءُ آھاں گوں دلپدردی ءُ غم ءِ درشانی کتگ۔ تر ءُ تاب ءِ ساھت ءَ وفاقی وزیر انجینئر امیر مقام ءَ ٹپیگیں زھگ ءِ گند ءُ نند کتگ کہ آئی ءِ سیادی گوں مذکورہ آماچیں ھاندان ءَ بوتگ۔ وفاقی وزیر ءَ انسانی ہمدردی ءِ درشانی کنان ءَ زوت وتی کارندہ آناں پنت ءُ شون کت کہ آ زھگ ءَ را ہسپتال ءَ شفٹ بہ کن انت ءُ آئی ءَ را سرجمیں طبی معائنہ بہ کن انت۔ وفاقی وزیر ءَ زاتی نوٹ ءِ سر ءَ زھگ ءَ را مالی کمک ھم داتگ۔ وفاقی وزیر ءَ زمین چنڈ ءَ بیران بوتگیں مردمانی ارواح ءِ آرام ءِ واستہ پاتیہ پیش کتگ ءُ اے انسانی سانحہ ءِ سر ءَ دلپدردی ءُ غم ءِ درشانی کتگ کہ آئی ءَ بازیں ھاندان آناں تاوان داتگ ءُ بے لوگ کتگ۔ وفاقی وزیر انجینئر امرک مقام ءَ اے موہ ءِ سر ءَ گوشت کہ اے ایوک ءَ حکومت ءِ ذمہ واری نہ انت بلکینگ ءَ مئے انسانی ءُ اخلاقی فرض ھم انت۔ ھمک نپس گران بھا اِنت، ءُ مارا ڈکھ ءِ اے ساھتءَ وتی مردم آنی گوما ھمگام ءَ اوشتگی اِنت۔