اشرہ رحمت للعالمین اولی ءَ بگر داں دوازدھمی ربیع الاول ءَ راجی ءُ صوبائی تک ءَ شرپ ءُ ازت ءِ گوما برجم دارگ بیت، وفاقی وزیر مذہبی امور ءُ بین المذاہب ہم آہنگی سردار محمد یوسف ءِ پریس کانفرنس ءَ گوں تران

اسلام آباد۔25اگست (اے پی پی): مذہبی امور ءُ بین المذاہب ہم آہنگی ءِ وفاقی وزیر سردار محمد یوسف ءَ گوشت کہ عشرہ رحمت للعالمین یکم ءَ بگر داں دوازدھمی ربیع ا لاول ءَ راجی ءُ صوبائی تک ءَ شرپ ءُ ازت ءِ گوما رنگ ءَ برجم دارگ بیت۔ وزارت ءِ آیوکیں ربیع الاول ءُ ایندگر کار آنی ھوالگ ءَ پریس کانفرنس ءَ گوں تران کنان ءَ وفاقی وزیر ءَ گوشت کہ راجی اسمبلی ءُ سینیٹ ءِ نیمگ ءَ چہ منظور بوتگیں قرارداد آنی رژنائی ءَ راجی تک ءَ حضرت محمد صلى الله عليه وسلم ءِ مچی آنی برجم دارگ بوھگ ءَ انت۔ آئی ءَ گوشت کہ 1500می سالروچ ءِ درگت ءَ صوبائی ءُ بنجاہی حکومت ورنائیں نسل ءَ را حضرت محمد صلى الله عليهوسلم ءِ بابت ءَ سرپد کن اَنت۔ وزارت مذہبی امور ءِ نیمگ ءَ اسلام آباد ءَ حضرت محمد صلى الله عليه وسلم ءِ بابت ءَ 50می میاں اوستمانی دیوان ءِ برجم دارگ بوھگ ءَ اِنت کہ ایشی ءِ بنگپ ” حضرت محمد صلى الله عليه وسلم ءِ رژنائی ءَ ریاستی ذمہ واریانی رژنائی ءَ سوشل میڈیا ءِ بزانت، کارمرز ءُ تعلیم“ اِنت۔ اے درگت ءَ نات ءِ راجی مچی ءِ برجم دارگ بیت۔ وزارت ءِ نیمگ ءَ اے درگت ءَ یک ٹوھیں پروگرامے تیار کتگ ۔ عشرہ ءِ برجم دارگ ءِ مول ءُ مراد حضرت محمد صلى الله عليه وسلم ءِ بابت ءَ سرجمیں گپ ءُ تران کنگ ءُ ورناہاں سرپد کنگ اِنت۔ سرکاری ءُ نجی اسکول، کالج ءُ اے پروگرام اقوام متحدہ ءِ تہا عشرہ رحمت لیلہ عالمینہ ءِ بیرک ءِ چیر دستی ءَ برجم دارگ بوتگ۔ آئی ءَ گوشت کہ پیغمبر صلى الله عليه وسلم ءِ زند ءِ رژنائی ءَ مارا استیں دور ءِ جیڈھ آناں گیواری ءِ واستہ یکجائی ءَ کار کنگ لوٹ ایت۔ مارا وتی وانگ ءُ زانگ، معیشت ءُ چاگردی قدر ءُ قیمتاں چہ انوگیں دور ءَ چہ متاثر بوھگ ءَ رکھینگ لوٹیت۔