وفاقی داخلہ ءِ وزیر محسن نقوی، ایرانی ہم منصب سکندر مومنی ءِ یکے دومی ءِ گوما ٹیلی فون ءِ سر ءَ رابطہ، پاکستان ءِ ھور ءُ سیلاب ءِ سبب ءِ جانی تاوان ءِ سرا غم ءِ درشانی

اسلام آباد۔25اگست (اے پی پی): وفاقی تہی کارانی وزیر محسن نقوی ءِ گوں آئی ءِ ایرانی ھمکار سکندر مومنی ءِ طوفان ءِ ھوالگ ءِ رابطہ کتگ۔ ایران ءِ تہی کارانی وزیر ءِ پاکستان ھاسیں رنگ ءِ خیبر پختونخوا ءُ گلگت ءِ ھئور ءُ سیلاب ءِ سبب ءِ بیران بوتگیں مردمانی بیرانی ءِ سر ءِ دلپدردی ءِ درشانی کتگ ءُ بیران بوتگیں مردمانی کھول ءِ گوما دل ءِ تہ ءِ ھمدردی ءِ درشانی کتگ ءُ مھکم ءُ صبر ءِ دعا کتگ۔ ایران ءِ تہی کارانی وزیر ءِ وتی پاکستانی ھمکار محسن نقوی ءِ را سیلاب ءِ آماچیں مردمانی کمک ءِ واستہ کمک ءِ پیشکش کتگ۔ ایران ءِ تہی کارانی وزیر ءِ گوشت کہ پاکستان مئے برات ءِ ھمساھگیں ملک اِنت، ءُ ما ھمک رنگ ءِ کمک ءِ ساڑی آں۔ پاکستان ءِ سیلاب ءِ سبب ءِ بوتگیں تباہی ءِ گندگ سک دلپدردی ءِ گپ اِنت۔ ما پاکستان ءِ مہلوک ءِ گوما شانک پہ شانہ اوشتاتگیں ۔ وزیر داخلہ محسن نقوی ءِ وتی ایرانی ہمکار ءِ منت گپت کہ آئی ءِ سیلاب ءِ آماچیں مردماں کمک ءُ یکوئی ءِ پیشکش کتگ۔ تہی کارانی وزیر محسن نقوی ءِ گوشت کہ ایران ءُ پاکستان ءِ وشی ءُ غم یکجائی انت ۔ موسمیاتی بدلی پاکستان ءِ تباہی ءِ مزنیں سوب جوڑ بوھگ ءِ اِنت۔ پاکستان وتی راجدپتر ءِ تہ ءِ اولی رند ءِ اے ھترناکیں موسمیاتی جاور ھال ءِ چہ گوزگ ءِ اِنت۔ سیلاب ءِ آماچیں مردمانی کمک ءِ ھاترا درستیں ادارہ سیلاب ءِ تہا اَنت ءُ آماچیں مردمانی بحالی ءُ بحالی اولی ترجی اِنت۔