نوکاپ آن زہمی تا کمک کن سخی، آسودہی ادارہ و سول سوسائٹی مون آبریر، اسپیکر قومی اسمبلی سردار ایاز صادق

اسلام آباد۔ 25 اگست (اے پی پی) اسپیکر قومی اسمبلی سردار ایاز صادق قوم آن خواست کرساپارے کہ نوکاپ آن زہمی تا کمک کن انفرادی و اجتماعی کڑد ادا کننگ نا گرج ءِ، سخی ، آسودہی ادارہ و سول سوسائٹی زہمی تا کمک کن مون آ بریر۔ دوشنبے نادے آ تینا بیان اٹی اوپارے کہ سخی و سول سوسائٹی حکومت نا کمکی کوشست آتیٹی کمک کیر، من حیث القوم نوکاپ آن زہمی تا بحالی ننا اجتماعی زمواری ءِ۔ اوپارے کہ کے پی، گلگت بلتستان، آزاد جموں وکشمیر و ملک انا ایلو علاقہ غاتا زہمی تے دمدستی ریلیف نا گرج ءِ۔ سخی زہمی تا بحالی و اُراتا پوسکن تفنگ کن است انا ہب اٹ کمک کیر۔ اسپیکر سردار ایا ز صادق ورناتیان نوکاپ نا زہمی تا کمک اٹ زیات آن زیات بشخ ہلنگ نا خواست کرے وپارے کہ ورنامنشاکار جوڑ مرسا زہمی تا بحالی ، خور وکمکی سرجزآتیٹی بشخ ہلیر۔ اوپارے کہ نوکاپ آن زہمی تا بحالی کن قومی جوزہ، ایثار و ایلمی نا درشانی ءِ کننگ نا گرج ءِ ، داوخت یکجہتی و ہمدردی نا ءِ، زہمی تے احساس ترفن ءِ او تنیا افس۔ اونا پاننگ ئس کہ مشکل ساہت اٹی اسہ ایلو نا سیبو مننگ ننا قومی فرض ءِ۔