بنجائی وزیر داخلہ محسن نقوی نا ریلوائی ہیڈکوارٹرز لاہور نا دورہ، وزیرریلوائی نا کماشی ٹی مروک آ خصوصی دیوان اٹی بشخ ہلک

اسلام آباد۔ 25 اگست (اے پی پی) بنجائی وزیرداخلہ محسن نقوی دوشنبے نادے آ ریلوائی ہیڈکوارٹرز لاہور نا دورہ ءِ کرے و وزیرریلوائی حنیف عباسی نا کماشی ٹی مروک آ خصوصی دیوان اٹی بشخ ہلک۔ دیوان اٹی مچ آ ملک خاص کر بلوچستان اٹی ریلوائی ٹریکس و ٹرین تا سیکورٹی نا گام گیج آتا سرجمی اٹ جاچ ءِ ہلنگا۔ دیوان اٹی فیصلہ کننگا کہ ریلوائی ڈغار آ تجاوزات آتا چٹفنگ کن اسیجائی کریک ڈاؤن کننگک ہراٹی نیشنل کونسٹینلری و ریلویز پولیس اسیجائی وڑاٹ بشخ ہلیرہ وخت اس کہ ایف سی ہم انسداد تجاوزات آپریشن اٹی ریلوائی پولیس تون پورو کمک کیک۔ داوخت آ اسلام آباد و راولپنڈی نا نیام اٹ پوسکن ٹرین چلیفنگ نا فیصلہ ہم کننگا۔ بنجائی وزیر داخلہ محسن نقوی پارے کہ ریلوائی ٹریکس و ٹرین تا فول پروف سیکورٹی ءِ پک کننگ کن ہرممکن گام گیج کننگک و ریلوائی پولیس ءِ پبی کمک فراوان کننگک۔ اوپارے کہ مسافر آتا رکھینگ حکومت نا اولیت ءِ۔ محسن نقوی وزیرریلوائی حنیف عباسی نا دور اٹی ریلوائی نا کارکڑد ءِ گچین کننگ کن کروک آ گام گیج آتاہم ستاءِ کرے۔ وزیرریلوائی حنیف عباسی ریلوائی ڈغار آن تجاوزات نا چٹفنگ اٹی فیڈرل ریزروپولیس نا کمک فراوان کننگ آ وزیرداخلہ نا منت واری ءِ ہرفے۔ اوپارے کہ ریلویز ءِ پوسکن آ وڑتتون ہم گرنچ کننگ کن وزارت داخلہ نا مخ تفی اہم کڑد ادا کیک۔ دیوان اٹی چیف ایگزیکٹیو آفیسر پاکستان ریلویز عامر علی بلوچ، آئی جی ریلویز پولیس رائے طاہر و ایلو بڑزکو کمامدارآک ہم بشخ ہلکر۔