ڈھاکہ۔ 25 اگست (اے پی پی) بنجائی وزیر واپار جام کمال خان بنگلہ دیش نا چاردے ئی سرکاری دورہ ءِ پورو کرے۔ دوشنبے نادے آ جاری پریس ریلیز نا رداٹ تینا دورہ ٹی اوسلاہکار صنعت، سلاہکار خور و سلاہکار واپار تون اوڑدہی کرے۔ داکان بیدس او چندی چیمبرز آف کامرس اینڈ انڈسٹریز نا دورہ ءِ کرے و گیشتر بشخ آتیان تعلق تخوک آ کاروباری راہشون آتون گپ وتران کرے۔ وزیرواپار …
بنجائی وزیر واپار جام کمال خان نا چاردے ئی بنگلہ دیش نا دورہ پورو
گیشتریں ھال
ڈھاکہ۔ 25 اگست (اے پی پی) بنجائی وزیر واپار جام کمال خان بنگلہ دیش نا چاردے ئی سرکاری دورہ ءِ پورو کرے۔ دوشنبے نادے آ جاری پریس ریلیز نا رداٹ تینا دورہ ٹی اوسلاہکار صنعت، سلاہکار خور و سلاہکار واپار تون اوڑدہی کرے۔ داکان بیدس او چندی چیمبرز آف کامرس اینڈ انڈسٹریز نا دورہ ءِ کرے و گیشتر بشخ آتیان تعلق تخوک آ کاروباری راہشون آتون گپ وتران کرے۔ وزیرواپار شپ بریکنگ فیسلٹی و اسہ دواساز ادارہ اسے نا ہم دورہ ءِ کرے و دا بشخ آتیٹی کمکاری نا گمان تیا گپ وتران کرے۔ اوبنگلہ دیشی زرگزرانی و واپاری کمامدارآتون ہم اوڑدہی کرے ہرافتے ٹی بنگلہ دیش انویسٹمنٹ ڈویلپمنٹ اتھارٹی نا ایگزیکٹیو چیئرمین، نیشنل بورڈ آف ریونیو، بنگلہ دیش بینک، ٹریڈنگ کارپوریشن آف بنگلہ دیش، وزارت شاری ہوابازی و ٹریڈ اینڈ ٹیرف کمیشن نا کمامدارآک اوار ئسر۔ دورہ ٹی پاکستان و بنگلہ دیش نا نیام اٹ واپاری امور آ اسیجائی ورکنگ گروپ نا جوڑ کننگ کن مفاہمتی یات داشت آتیا دستخط کننگا۔ دا ورکنگ گروپ ہڑتوم آ ملک آتا واپاری کمامدار آتے گنڈک تانکہ تین پہ تینی واپار و زرکاری ءِ مون آدننگ مرے۔ بنجائی وزیر واپار جام کمال خان تدوک آ نن ڈھاکہ غان وطن کن روانہ مس۔ اودے بالی پٹ آ بنگلہ دیش نا سلاہکار واپار، شیخ بشیر الدین رخصت کرے۔
