جدہ۔ 25 اگست (اے پی پی) نائب وزیراعظم و وزیرخارجہ سینیٹر محمد اسحاق ڈار اسلامی کمکار تنظیم (اوآئی سی) نا وزراء خارجہ نا 21 می اہم دیوان اٹی بشخ ہلنگ کن جدہ غا سرمس۔ دوشنبے نادے آ دفترخارجہ غان جاری بیان نا رداٹ دیوان اینو اوآئی سی سیکرٹریٹ جدہ اٹی اڈہلنگ ءِ، جدہ نا کنگ عبدالعزیز انٹرنیشنل بالی پٹ آ پاکستان نا آخبتی مندوب اوآئی سی فواد شیر، سعودی عرب …
نائب وزیراعظم و وزیرخارجہ اسحاق ڈار او آئی سی وزراء خارجہ دیوان اٹی بشخ ہلنگ کن جدہ غا سرمس
گیشتریں ھال
جدہ۔ 25 اگست (اے پی پی) نائب وزیراعظم و وزیرخارجہ سینیٹر محمد اسحاق ڈار اسلامی کمکار تنظیم (اوآئی سی) نا وزراء خارجہ نا 21 می اہم دیوان اٹی بشخ ہلنگ کن جدہ غا سرمس۔ دوشنبے نادے آ دفترخارجہ غان جاری بیان نا رداٹ دیوان اینو اوآئی سی سیکرٹریٹ جدہ اٹی اڈہلنگ ءِ، جدہ نا کنگ عبدالعزیز انٹرنیشنل بالی پٹ آ پاکستان نا آخبتی مندوب اوآئی سی فواد شیر، سعودی عرب اٹی پاکستان نا سفیر احمد فاروق و جدہ ٹی پاکستان نا قونصل جنرل خالد مجید نائب وزیراعظم و وزیرخارجہ ءِ جم وجوش اٹ بخیرکرے۔ اوآئی سی نا اہم دیوان اٹی او آئی سی نا باسک ملک آتا وزراء خارجہ و بڑزکو کمامدارآک بشخ ہلیرہ، دیوان اٹی فلسطین نا ساڑی آ حالیت آتیا سرجمی اٹ سجفنگک ہرا اسرائیلی فوجی جارحیت، غزہ غا پورو فوجی کنٹرول نا سلاہ ئی ڈٹ و فلسطینی الس نا بنداوی انسانی حق انا بھلو کچ اسے آ خلاف ورزی تا سوب پین سنگین مسنے۔
