ڈھاکہ ۔24اگست (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ بنگلہ دیش ءِ سروکیں مشیر پروفیسر محمد یونس ءَ گوں گند ءُ نند کت۔ گند ءُ نند ءِ تہ ءَ دوئیں ملک آنی نیام ءَ کوھنیں سیادی آناں بحال کنگ، ورنا آنی رابطہ آناں دیمروئی دیگ ءُ بیپاری ءُ اقتصادی کمک آنی تہ ءَ گیشی ءِ سر ءَ گپ ءُ تران کنگ بوت۔ …
نائب مزن وزیر ااسحاق ڈار ءَ بنگلہ دیش ءِ چیف ایڈوائزر پروفیسر محمد یونس ءَ گوں گند ءُ نند کت، تجارتی ءُ اقتصادی کمک ءَ را گیش کنگ ءِ بابت ءَ گپ ءُ تران
گیشتریں ھال
ڈھاکہ ۔24اگست (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ بنگلہ دیش ءِ سروکیں مشیر پروفیسر محمد یونس ءَ گوں گند ءُ نند کت۔ گند ءُ نند ءِ تہ ءَ دوئیں ملک آنی نیام ءَ کوھنیں سیادی آناں بحال کنگ، ورنا آنی رابطہ آناں دیمروئی دیگ ءُ بیپاری ءُ اقتصادی کمک آنی تہ ءَ گیشی ءِ سر ءَ گپ ءُ تران کنگ بوت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر اسحاق ڈار ءَ ڈھاکہ ءَ بنگلہ دیش ءِ چیف ایڈوائزر پروفیسر محمد یونس ءَ گوں گند ءُ نند کتگ۔ گند ءُ نند ءِ ساھت ءَ دوئیں بامرد آں دمگ ءِ انوگیں ردوم ءُ دمگی کمک ءِ آسر آنی سر ءَ ھیال ریچی کُت۔ نائب مزن وزیر ااسحاق ڈار ءَ پاکستان ءِ مزن وزیر محمد شہباز شریف ءِ نیمگ ءَ چیف ایڈوائزر ءَ را نیکیں واھگ ءِ کلوہ دات۔ آئی ءَ چیف ایڈوائزر ءَ را ڈھاکہ ءَ وتی مشغولیت ءُ تر ءُ تاب ءِ ھاسیں آسر آنی بابت ءَ ھم سرپد کت۔ آئی ءَ تر ءُ تاب ءِ ساھت ءَ جوانیں بندوبست ءُ وتی ڈل ءِ جوانیں مہمانداری ءِ سر ءَ چیف ایڈوائزر ءِ منت گپت۔
