25  تا 26 اگست 2025 ءَ دری کارانی وزیر اسحاق ڈار سعودی عرب ءِ تر ءُ تاب ءَ کنت

اسلام آباد۔24اگست  (اے پی پی):نائب مزن وزیر ءُ درئی کارانی وزیر اسحاق ڈار 25 ءُ 26اگست 2025 ءَ سعودی عرب ءِ تر ءُ تاب ءَ کنت، اسحاق ڈار جدہ ءَ اسلامی کمک ءِ تنظیم ءِ درئی کارانی کونسل ءِ غیر معمولی دیوان ءَ بہر زوریت۔ نائب مزن وزیر ڈھاکہ ءِ تر ءُ تاب ءَ پد براہ راست جدہ ءِ روگ ءَ انت۔ یک شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ جدہ ءَ بوھوکیں او آئی سی ءِ دیوان ءَ فلسطین ءِ استیں جاور ھال آنی درگت ءَ یکجائی حکمت عملی ءِ سر ءَ گپ ءُ تران کنگ بیت۔ گند ءُ نند ءَ اسرائیل ءِ زوراکی ءُ غزہ ءِ سرا فوجی کنٹرول ءِ منصوبہ ءِ سرا ہم گپ ءُ تران کنگ بیت۔ او آئی سی ءِ دری کارانی وزیر فلسطینی راج ءِ ھک آنی سر ءَ سنگینیں لگتمالی ءِ سر ءَ چار ءُ تپاسی کن اَنت۔ پاکستان ءَ مُدام میاں اوستمانی دیوان آنی تہ ءَ فلسطینی راج ءِ کمک کتگ۔ اسحاق ڈار گند ءُ نند ءَ فلسطین ءِ واستہ وتی بے دروریں کمک ءِ یک رندے پدا پدر کنت۔ وزیر ءِ درئی کار اسرائیل ءِ قبضہ ءَ بوتگیں درستیں دمگ آنی کشگ ءِ لوٹ کنت ایشی ءِ تہ ءَ بیت المقدس ھم ھوار اِنت۔ بیان ءِ تہ ءَ گوشت کہ پاکستان غزہ ءِ سر ءَ اسرائیل ءِ فوجی کنٹرول منصوبگ ءَ رد کنت، ئُُ پاکستان فلسطینی اُلس ءِ واستہ ترندیں انسانی کمک ءِ ضلورت ءِ سر ءَ زور پر دنت۔ ااسحاق ڈار گند ءُ نند ءَ فلسطینی ریاست ءِ جوڑیشت ءِ لوٹ ءَ پدا پدا جنت۔ اے موہ ءِ سر ءَ اسحاق ڈار ءِ کلیدی باسکیں ملک آنی دری کارانی وزیر آنی گوما ھم دو نیمگی گند ءُ نند کنگ ءِ گمان اِنت۔