پاکستان ءَ ’پاکستان ءُ بنگلہ دیش نالج کوریڈور‘ ءِ بندات کنگ ءِ جار

ڈھاکہ۔24اگست  (اے پی پی):نائب مزن وزیر ءُ درئی کارانی وزیر سینیٹر محمد ااسحاق ڈار ءِ بنگلہ دیش ءِ تر ءُ تاب ءِ ساھت ءَ پاکستان ءَ ’’پاکستان ءُ بنگلہ دیش زانت ءِ راہداری‘‘ ءِ بندات ءِ جار جتگ۔ اے منصوبگ ءِ چیر دستی ءَ آیوکیں پنچ سال آنی تہ ءَ بنگلہ دیشی نودربر آناں پاکستان ءَ مزنیں وانگ ءُ زانگ ءِ واستہ 500 اسکالرشپ دیگ بیت۔ اے اسکالرشپانی یک چارمی بہر طب ءِ پڑ ءَ دیگ بیت۔ ایشی ءَ ابید ھمے وھد ءِ تہ ءَ بنگلہ دیش ءِ 100 سرکاری کارندہ آنی واستہ ھم تربیت ءِ بندوبست کنگ بیت۔ پاکستان ءَ پاکستان ٹیکنیکل اسسٹنس پروگرام ءِ چیر دستی ءَ بنگلہ دیشی نودربر آنی واستہ داتگیں اسکالرشپ ءِ کساس 5 ءَ چہ 25 ءَ گیش کنگ ءِ پیسلہ ھم کتگ۔