اے پی پی، بنگلہ دیش ءِ نیوز ایجنسی ءَ میڈیا ءِ کمک ءِ منوگری ءِ سرا دستخط

اسلام آباد۔24اگست (اے پی پی):نائب مزن وزیر ءُ درئی کارانی وزیر محمد اسحاق ڈار ءِ بنگلہ دیش ءِ دو روچی تر ءُ تاب ءِ ساھت ءَ پاکستان ءِ سرکاری ھال رسانکی ادارگ ایسوسی ایٹڈ پریس آف پاکستان ءُ بنگلہ دیش ءِ سرکاری ھال رسانکی ادارگ ءِ نیام ءَ یک شمبے ءِ روچ ءَ میڈیا ءِ کمک ءِ منوگری ءِ سر ءَ دستخط کنگ بوت۔ یک شمبے ءِ روچ ءَ ادا جاڑی بوتگیں پریس ریلیز ءِ تہ ءَ گوشت کہ اے منوگری ءِ مول ءُُ مراد دوئیں ملک آنی نیام ءَ نیوز ایکسچینج ءِ تہ ءَ کمک ءَ را گیش مھکم کنگ ءُُ میڈیا ءِ کمک ءَ را دیمروئی دیگ ءِ ھوار اھوالکار آنی صلاحیت ءَ را گیش کنگ ءِ واستہ تربیتی پروگرام آنی برجائی کنگ اِنت۔

بنگلہ دیش ءِ واستہ پاکستان ءِ ہائی کمشنر عمران حیدر ءُ وزارت ءِ اھوالکاری ءُ نشریات ءِ سیکرٹری بنگلہ دیش محبوبہ سلطانہ ءَ اے منوگری ءِ سر ءَ دستخط کتگ۔ دستخط ءِ مراگش ءَ نائب مزن وزیر محمد اسحاق ڈار ءُ بنگلہ دیش ءِ درئی کارانی مشیر محمد توحید حسین ءَ ھم بھر زوری کتگ۔ اے موہ ءِ سر ءَ پاکستان سفارت خانہ ءِ پریس کونسلر فیصل اللہ وزیر ھم ھوار ات۔ اے منوگری ءِ رد ءَ فریقین ءِ نیام ءَ روچ ءِ ھال ءُ اھوال ءُ میڈیا ءِ مواد ءِ ھواریں عکس ءُ ویڈیوز ءِ تبادلہ کنگ بیت دانکہ اے ھواریں کارمرز کنوکاں سر کنگ بہ بیت۔