وفاقی وزیر اھوالکاری عطا اللہ تارڑ ءَ پاکستانی رنراں سیشلز (افریقہ) نیچر ٹریل رنز ءِ تہا جوانیں سوبمندی ءِ سرا مبارک بات

اسلام آباد۔23اگست (اے پی پی): وفاقی وزیر ءِ اھوالکاری عطا اللہ تارڑ ءَ پاکستانی رنرز وقار احمد، عمر زمان، مزمل شہزاد، انعم عذیر، نیلب کیانی، محسن اعجاز ءُ ایندگر لیبی آناں مبارک بات داتگ کہ آہاں سیشلز ءِ تہ ءَ جوانیں سوبمندی زرتگ۔ شمبے ءِ روچ ءَ وتی بیان ءِ تہ ءَ وفاقی وزیر ءِ اھوالکاری ءَ گوشت کہ پاکستانی ایتھلیٹ آنی جوانیں کارکردگی سرجمیں راج ءِ واستہ فخر ءِ وسیلگ اِنت۔ آئی ءَ گوشت کہ پاکستانی رنر آں مشکل ءُ چیلنجیں ماؤنٹین ٹریک ءِ سر ءَ وتی ازم سہرا کتگ ءُ دگنیا ءَ را اے کلوہ ءِ دیم داتگ کہ مئے ایتھلیٹ اچ کس ءَ چہ کم نہ اَنت۔ وفاقی وزیر ءَ زالبولیں رنر آنی ھاسیں رنگ ءَ لاہور ءِ انام عزیر ءُ اسلام آباد ءِ نیلب کیانی ءِ کارکردگی ساڑاتگ ءُ گوشت کہ پاکستانی زالبولیں ایتھلیٹ ملک ءُ راج ءَ را جھان ءِ تک ءَ نامدار کنگ ءَ اَنت۔ آئی ءَ گوشت کہ پاکستانی ایتھلیٹ آں وتی محنت ءُ جزم ءَ گوں سرجمیں دگنیا ءَ پاکستان ءِ امیج ءَ را پدر کتگ۔