نائب مزن وزیر اسحاق ڈار ءَ بنگلہ دیش نیشنلسٹ پارٹی ءِ ڈل ءَ گوں گند ءُ نند کت، پاکستان ءُ بنگلہ دیش ءِ نیام ءَ دو نیمگی سیادی ءَ را مھکم کنگ ءِ واستہ جزم ءِ درشان

ڈھاکہ۔23اگست (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ بنگلہ دیش نیشنلسٹ پارٹی ءِ ڈل ءَ گوں گند ءُ نند کتگ کہ ایشی ءِ سروکی ءَ پارٹی ءِ سیکرٹری جنرل مرزا فخار اسلام عالمگیر ءَ کتگ۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر /درئی کارانی وزیر اسحاق ڈار ءَ وت مہ وتی احترام ءِ بنیاد ءَ پاکستان ءُ بنگلہ دیش ءِ نیام ءَ وت مہ وتی سیادی ءَ را مھکم کنگ ءِ جزم ءِ درشان کتگ۔ اے موہ ءِ سر ءَ دمگی کمک ءِ ارزشت ءِ جتا جتائیں جیڈھ آنی سر ءَ گہتری ءَ گپ ءُ تران کنگ بوت۔ جنوبی ایشیائی ایسوسی ایشن فار ریجنل کوآپریشن (سارک) ءِ جوڑ کنگ ءِ تہا بنگلہ دیش ءِ بنجاہی کرد ءِ ستا کنگ بوت۔ گند ءُ نند ءِ تہ ءَ گوستگیں زمانگ ءَ پاکستان ءُ بنگلہ دیش ءِ نیام ءَ بوتگیں مزن تک ءِ گند ءُ نندانی سر ءَ ھم گپ ءُ تران کنگ بوت۔