شنگھائی تعاون ءِ تنظیم ءِ تیانجن ءِ سروک دیوان ءِ پائدگ مند سہرا بیت، ایس سی او ءِ سیکرٹری جنرل

بیجنگ ۔23اگست (اے پی پی): چین ءِ شہر تیانجن ءَ شنگھائی کمکی گل ءِ سروک دیوان 31اگست ءَ بگر داں یکم ستمبر ءَ برجم دارگ بیت۔ جیڈھ ءُ ھمے رنگ ءَ سیاست، ایمنی ءُ معیشت ءِ وڑیں جتا جتائیں پڑ آنی تہ ءَ انوگیں جھان ءِ جاور ھال آنی سر ءَ چمشانک دیگ بوتگ۔ ایشی ءَ ابید آیوکیں 10سال آنی واستہ ایس سی او ءِ دیمروئی ءِ حکمت عملی ھم جاری کنگ بیت۔ یرمک بایف ءَ گوشت کہ شنگھائی کمک ءِ گل یک متحرکیں گلے ۔ شنگھائی تعاون ءِ گل ءِ دلکشی ءُ موثر کارکردگی شنگھائی ءِ روح ءِ اصولانی سرا عمل کنگ ءَ انت۔ اے گل یکے دومی ءِ سرا تپاکی ءِ اصول ءِ سرا عمل کنت ءُ یک سرجمیں امن ءُ ایمنی پسندیں گلے کہ ایشی ءِ مول ءُ مراد دیم پہ دیم نہ انت بلکیں دیمروئی ءِ دیمروئی، امن ءِ برجائی ءُ یکے دومی ءِ سرا اعتماد ءِ گیش کنگ انت۔ شنگھائی تعاون آرگنائزیشن ءِ انوگیں صدر ءِ بستار ءَ چین ءِ کارکردگی ءِ بابت ءَ یرمک بایف ءَ گوشت کہ چین ءِ کار آنی تہ ءَ بازیں ھاسیں پڑ ھوار اَنت چوش کہ توانائی، موسمی بدلی، فوڈ سیکیورٹی ءُ گریبی ءِ کمی ءِ ھوار ورنا آنی تبادلہ ءُ راجمانی جان سلامتی ءِ ھوار اِنت کہ ایشی ءَ چہ جتا جتائیں ممبر ریاست آنی تہ ءَ تعاون ءِ پڑ ءَ مزنیں پیشرفت ءَ را جوانیں رنگ ءَ دیم ءَ برتگ۔ آئی ءَ گوشت کہ چین ءِ راجی حکومت داری ءِ نظام ءَ راستی ءَ جوانیں آسراتی پیش داشتگ۔