نائب مزن وزیر محمد سحاق ڈار دو روچی سرکاری تر ءُ تاب ءَ بنگلہ دیش ءَ سر بوتگ

ڈھاکہ۔ 23اگست (اے پی پی): نائب مزن وزیر ءُ دری کارانی وزیر سینیٹر محمد سحاق ڈار دو روچی سرکاری تر ءُ تاب ءِ واستہ بنگلہ دیش ءَ سر بوتگ۔ ڈھاکہ ءِ حضرت شاہ جلال میاں اوستمانی بالی پٹ ءَ بنگلہ دیش ءِ دری کارانی سیکرٹری سفیر اسد عالم سیام، بنگلہ دیش ءِ واستہ پاکستان ءِ ہائی کمشنر عمران حیدر، پاکستان ءِ واستہ بنگلہ دیش ءِ ہائی کمشنر محمد اقبال خان ءُ ایندگر مزنیں کارندہ آں نائب مزن وزیر ءِ وش اتک کت۔ اے موہ ئَ پاکستان ہائی کمیشن ئِ افسر ھم ساڑی ئَ اتنت۔ اے تر ءُ تاب بنگلہ دیش حکومت ءِ ھاسیں دعوت ءِ سرا کنگ بوھگ ءَ انت۔ نائب مزن وزیر ڈھاکہ ءَ بنگلہ دیش ءِ ھاسیں رہشون آں گوں گند ءُ نند کنت۔ نائب مزن وزیر بنگلہ دیش حکومت ءِ سروکیں مشیر پروفیسر محمد یونس، درئی کارانی مشیر محمد توہد حسین ءُ اے دگہ کارندہ آں گوں ھاسیں گند ءُ نند کنت ایشی ءِ تہ ءَ دو نیمگی سیادی ءُ دمگی ءُ جھان ءِ جیڈھ آنی سر ءَ گپ ءُ تران کنگ بیت۔ تر ءُ تاب ءِ ساھت ءَ دوئیں ملک آں وت مہ وتی کمک ءَ را گیش کنگ ءِ واستہ بازیں مفاہمت نامہ آنی سر ءَ ھم دستخط کنگ بیت۔