وفاقی داخلہ ءِ وزیر محسن نقوی ءَ مزن تک ءِ دیوان ءِ سروکی کت، دارالحکومت ءِ ھاتر ءَ مزنیں دیمروئی گامگیج آنی منظوری

اسلام آباد۔23اگست (اے پی پی): وفاقی وزیر داخلہ محسن نقوی ءَ دارالحکومت ءِ دیمروئی اتھارٹی ءِ ہیڈ کوارٹر ءَ مزن تک ءِ دیوان ءِ سروکی ءَ وفاقی دارالحکومت ءِ واستہ مزنیں دیمروئی گامگیج آنی منظوری داتگ۔ شمبے ءِ روچ ءَ سی ڈی اے ءِ ہیڈ کوارٹر ءَ برجم داشتگیں دیوان ءِ ساھت ءَ نوکیں ٹریفک انفراسٹرکچر ءَ چہ ہاؤسنگ سیکٹر ءُ مہمان نوازی ءِ اپ گریڈیشن ءَ تاں منصوبگ آنی سر ءَ چار ءُ تپاسی کنگ بوت کہ ایشی ءِ مول ءُ مراد شہری جیڈھ آناں کم کنگ ءُ مہلوک ءِ واستہ شہری آسراتی آناں گہتر کنگ اِنت۔ دیوان ءِ تہ ءَ کتگیں ھاسیں پیسلہ آنی تہ ءَ ٹی چوک ءَ فلائی اوور ءُ شاہین چوک ءَ انڈر پاس ءِ جوڑ کنگ ھوار ات کہ ایشی ءِ بُن ھشت ستمبر ءِ بندات ءَ ایر کنگ بیت۔ وفاقی وزیر ءَ تجاوزات ءِ ھلاپ ءَ سرجمیں شہر ءَ آپریشن ءِ پرمان دیگ ءِ وھد ءَ اے گپ ءِ سر ءَ زور پر دات کہ ناجائزیں جوڑیشت آناں ھلاس کنگ ءِ تہ ءَ ھچ وڑیں نرمی ءِ درشان کنگ نہ بیت۔ آئی ءَ ایس ایس پی آپریشنز، اے ڈی سی جی ءُ ڈائریکٹر ڈی ایم اے ءَ ھوار مزنیں کارندہ آناں ذمہ واری داتگ ءُ آماچیں شوبگ آناں چہ ھلاس کنگ ءِ واستہ 30ستمبر ءَ ڈیڈ لائن ایر کتگ۔ دیوان ءِ ساھت ءَ ھاوسنگ سوسائٹی آناں ھم ھال داتگ کہ آ رھبندانی سر ءَ سک باز عمل بہ کن اَنت یا تادیبی کارروائی ءِ آماچ بہ بنت۔ دیوان ءَ سفارتی انکلیو اپ گریڈیشن پروجیکٹ ءِ اولی بھر ءِ منظوری ھم داتگ کہ ایشی ءِ تہ ءَ کنسٹٹیوشن ایونیو، ھمگرنچیں سڑک، باونڈری وال، سائیکلنگ ٹریک ءُ پارک ءَ چہ مین انٹری ءُ دگہ ھوار اَنت۔ سی 14، سی 15، ءُ سی 16 ءِ سرا کار کنگ ءُ ای 12 ءُ آئی 12 ءِ شعبہ آں دیریں تاخیر ءِ دیمروئی ءِ کار ءَ را ترند کنگ ءِ ھاتر ءَ قبضہ ءِ سرا الاٹ بوتگیں مردمانی دست ءَ دیگ بہ بیت۔ محسن نقوی ءَ سی ڈی اے ءَ را ہدایت کتگ کہ آ نوکیں شعبہ سی 13، ڈی 13، ای 13 ءُ ایف 13 ءِ ھاتر ءَ یک جامع دیمروئی منصوبہ ءِ تیاری ءَ بہ کنت۔ آئی ءَ اسلام آباد ءَ دو نوکیں فائیو اسٹار ہوٹل جوڑ کنگ ءِ کار سرجم کنگ ءِ واستہ 31دسمبر ءَ ڈیڈ لائن ھم ایر کتگ۔ دیوان ءَ داتگیں بریفنگ ءِ رد ءَ ماڈل جیل پروجیکٹ ءِ اولی بھر ءِ سر ءَ کار برجاہ اِنت کہ زوت سرجم کنگ بیت وھدیکہ دارالحکومت گس ءِ جوڑ کنگ ءِ واستہ ھم جاگہ ایر کنگ بوتگ۔ گند ءُ نند ءَ سی ڈی اے ءِ چیئرمین محمد علی رندھوا، سی ڈی اے ءِ باسک، ایس ایس پی آپریشنز، اے ڈی سی جی ءُ اے دگہ مزنیں کارندہ آں ھم بھر زوری کت۔