پاکستان ءِ نوکیں معیشت ءِ واستہ بلاکچین ءُ ڈیجیٹل اثاثہ آنی نیمگ ءَ اسٹریٹجک بدلی، بلاکچین ءِ واستہ متوازن ریگولیٹری فریم ورک، ورنا آنی سروکی ءَ ڈیجیٹل اثاثہ آنی واستہ وھد ءِ لوٹ اِنت، وفاقی وزیر خزانہ سینیٹر محمد اورنگزیب

اسلام آباد۔23اگست (اے پی پی): وفاقی وزیر برائے مالیات ءُ ریونیو سینیٹر محمد اورنگزیب ءَ گوشت کہ پاکستان ءِ نوکیں معیشت ءِ واستہ بلاکچین ءُ ڈیجیٹل اثاثہ آنی نیمگ ءَ اسٹریٹجک بدلی المی اِنت، معیشت ءِ چلائینگ ءِ واستہ بلاکچین ءِ زورگ، ورنا آنی سروکی ءَ ڈیجیٹل اثاثہ آنی واستہ متوازن ریگولیٹری فریم ورک ءِ واستہ بلاکچین ءِ کارمرد کنگ ءِ وھد ءِ ضلورت اِنت۔ مالیاتی شمولیت، شفافیت ءُ جدت ءِ تہ ءَ نامداریں کرد ءِ پیلو کنگ ءَ حکومت، اکیڈمیا ءُ نجی شعبہ ءَ پاکستان ءِ ڈیجیٹل آیوکیں وھد ءِ جوڑ کنگ ءِ واستہ کمک ءَ را گیش کنگ لوٹ ایت۔ وفاقی وزیر ءَ اے ھیالانی درشانی شمبے ءِ روچ ءَ ادا برجم داشتگیں ’’بلاکچین ءُ ڈیجیٹل اثاثہ: ٹیکنالوجی ءُ انوویشن‘‘ ءِ بنگپ ءِ سر ءَ لیڈر شپ ءِ سروک دیوان ءَ گوں تران کنان ءَ کت۔ وزارت خزانہ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر خزانہ ءُ ریونیو سینیٹر محمد اورنگزیب ءَ اے گپ ءِ سر ءَ زور پر داتگ کہ بلاکچین ءُ ڈیجیٹل اثاثہ لاکھوں پاکستانی ، ھاسیں رنگ ءَ ورنا آناں ھوار کنگ ءَ انت ءُ ملک ءَ را مالیاتی شمولیت ، شفافیت ءُ کارکردگی ءِ دیمروئی ءِ وسیلگ ءَ اے بدلی ءَ را وتی سرا زورگ لوٹ ایت۔ حکومت ءُ نجی شعبہ ءِ نیام ءَ تعاون ءِ سرا کار کنگ ءَ انت۔ آئی ءَ گوشت کہ لاہور یونیورسٹی آف مینجمنٹ سائنسز ءُ شریک آنی کمک ءَ برجم داشتگیں مراگش ءَ اکیڈمیا، انڈسٹری ءُ حکومت ءِ نیمگ ءَ چہ اسٹیک ہولڈر آناں یکجا کتگ تانکہ پاکستان ءَ بلاکچین، ڈیجیٹل اثاثہ ءُ نوکیں ٹیکنالوجی آنی آیوکیں وھد ءِ سر ءَ ھیال ءُ لیکہ کنگ بہ بیت۔ وزیر خزانہ ءَ وتی بنجاہی گشتانک ءَ ڈیجیٹل معیشت ءِ نیمگ ءَ رھادگ بوھگ ءِ گوما یکجا کنگ ءِ واستہ ٹیکنالوجی ءِ جدت ءَ را وتیگ کنگ ءِ ارزشت ءِ سر ءَ زور پر دات۔ آئی ءَ اے گپ ءِ سر ءَ زور پر دات کہ پاکستان میکرو اکنامک استحکام ءِ ھاترا دیم ءَ روگ ءَ اِنت، آیوکیں المی گامگیج بلاکچین، مصنوعی ذہانت ءُ ویب 3.0 ٹیکنالوجی آنی وسیلگ ءَ کار کنوکیں نوکیں معیشت ءِ جوڑ کنگ ءَ سرگرمیں رنگ ءَ بھر زوری کنگ اِنت۔ وفاقی وزیر ءَ گوشت کہ اندازہ ءِ رد ءَ 20 ءَ چہ 25 ملین پاکستانی ایشی ءِ تہ ءَ مزنیں کساسے ءَ ورنا ھوار اَنت پیسر ءَ چہ بلاکچین ءُ ڈیجیٹل اثاثہ آنی ھوالگ ءَ کار آنی تہ ءَ ھوار اَنت ءُ بھر زوری ءِ اے پیمانہ ءَ را چہ چماں گار کنگ نہ بیت۔ آئی ءَ پاکستان ءَ بلاکچین ءِ زورگ ءِ واستہ سئے کلیدی ڈرائیور آنی رنگ ءَ اے دیمروئی کنوکیں رجحان ءُ مالی شمولیت، شفافیت ءُ تیزی ءَ را کارمرد کنگ ءِ واستہ شناخت، وانگ ءُ زانگ ءُ ڈھانچہ ءِ پالیسی ءِ پسو آنی ضلورت ءِ سر ءَ زور پر دات۔ سینیٹر محمد اورنگزیب ءَ گوشت کہ ترند، ارزان ءُ کارآمدیں لین دین ءِ وسیلگ ءَ بلاکچین ءُ ایشی ءَ گوں سیادی داروکیں ٹیکنالوجی بینکنگ، حوالہ جات، کشت ءُ کشاری، آئی ٹی، فری لانسنگ ءُ توانائی ءِ واستہ ھاسیں گیواری ءِ وسیلگ ءَ دیم ءَ اتک کنت۔ آئی ءَ بلاکچین ءِ وسیلگ ءَ ای کے وائی سی سسٹم ءِ دیمروئی ءِ وڑیں سوبمندیں گامگیج آناں پیشرفت ءِ عملی مثال ءِ رد ءَ پیش کتگ کہ ایشی ءَ چہ بینکنگ ءِ تہ ءَ تعمیل ءِ عمل ءِ نقل ءَ را کم کنگ بیت۔ وزیر خزانہ ءَ اے بدلی ءِ ریگولیٹری جہت ءِ سر ءَ ھم چمشانک دات۔ آئی ءَ ھشدار دات کہ کارانی پیمانہ ءِ رد ءَ ڈیجیٹل اثاثہ آنی سر ءَ چم شانک دیگ پاکستان ءَ را کے وائی سی، اے ایم ایل، پابندیاں ءُ نگرانی ءَ گوں سیادی داروکیں ھترہ آناں دیم ءَ آرگ بوت کنت کہ ایشی ءَ چہ ایف اے ٹی ایف ءِ محاذ ءَ رستگیں محنت ءِ دیمروئی ءَ را پد ءَ رند کت کنت۔ اے درگت ءَ آئی ءَ پاکستان ورچوئل اثاثہ ریگولیٹری اتھارٹی ءِ جوڑ کنگ ءِ سر ءَ زور پر دات کہ ایشی ءِ بنداتی دیوان آیوکیں ہفتگ ءَ برجم دارگ بیت ءُ یک متوازن ریگولیٹری فریم ورک ءِ نیمگ ءَ سنگ میل ءِ رنگ ءَ انت۔ سینیٹر محمد اورنگزیب ءَ اے گپ ءِ سر ءَ زور پر دات کہ پاکستان ءَ را دبئی، سنگاپور ءُ یورپی یونین ءِ ماڈل ءِ رد ءَ میاں اوستمانی تجربگ ءَ چہ سیت چست کنگ لوٹ ایت ءُ اے گپ ءَ را دل یکیمی کنگ لوٹ ایت کہ راجی مفاد اولی جاہ ءَ ایر کنگ بہ بنت۔ آئی ءَ پاکستان ءِ ریگولیٹری ءُ پالیسی فریم ورک ءَ را ترند کنگ ءَ کمک کنگ ءَ میاں اوستمانی ماہرین ءُ ادارگ آنی نیمگ ءَ چہ رستگیں کمک ءَ را ساڑات۔ وفاقی وزیر ءَ گیشیں وژن ءِ درشان کنان ءَ حکومت ءِ عزم ءِ سر ءَ پدا زور دات کہ نجی شعبہ ءَ را جدت ءِ سروکی ءِ اجازت دیگ ءَ چہ یک توانائی ءِ ماحول ءِ دیمروئی ءِ واستہ حکومت ءِ عزم ءِ سر ءَ زور پر دات، ایشی ءِ تہ ءَ وانگ ءُ زانگ ءِ ادارگ زانت ءُ مہارت ءِ پھجارینگ ءَ کن اَنت۔ آئی ءَ گوشت کہ نوکیں معیشت ءَ مئے سفر ءَ را گہتر ءُ نوک کنگ ءِ واستہ حکومتی، وانگ ءُ زانگ ءِ ادارگ ءُ جندی شوبگ ءِ سئے نیمگی شریکداری المی انت۔ آئی ءَ اے بدلی ءِ ڈرائیونگ فورس ءِ رنگ ءَ پاکستان ءِ ورنا آنی کرد ءَ را پدر کنان ءَ گوشت کہ مارا آھانی توانائی ءَ را کارمرد کنگ لوٹ ایت، وانگ ءُ زانگ ءُ ریگولیشن ءِ وسیلگ ءَ کارمرد کنگ لوٹ ایت ءُ یک انچیں نظام ءِ تہ ءَ یکجا کنگ لوٹ ایت کہ راجی مفاد آنی رکھینگ ءِ وھد ءَ معیشت ءَ را مھکم بہ کنت۔ اے ایوک ءَ جھان ءِ بدلی ءِ گوما ھمگام بوھگ ءِ نہ اِنت بلکیں نوکیں معیشت ءِ تہ ءَ پاکستان ءِ ھکّی جاہ ءَ را دل یکیمی کنگ ءِ ھم اِنت۔ وفاقی وزیر ءَ لومس ءُ سروک دیوان ءِ جارچین آناں مبارک بات دات ءُ حکومت ءِ ھما درستیں گامگیج آناں کمک کنگ ءِ عزم ءِ سر ءَ زور پر دات کہ ایشی ءَ چہ پاکستان ءِ ڈیجیٹل ءُ بلاکچین ءِ وسیلگ ءَ کار کنوکیں آیوکیں وھد ءِ تہ ءَ سفر ءَ را گیش ترند کنگ بیت۔