آئی ایس پی آر سمر انٹرنشپ 2025 ءِ سفر سوبمندیں رنگے ءَ آسر بوتگ

اسلام آباد۔23اگست (اے پی پی): آئی ایس پی آر سمر انٹرنشپ 2025 ءِ سفر جوانیں رنگ ءَ آسر بوتگ۔ پاکستان ءِ مزنیں انٹرنشپ ءَ سرجمیں ملک ءَ چہ مزنیں کساسے ءَ نودربراں سرگرمیں رنگے ءَ بھر زرتگ۔ شش ہفتہ ءِ موسم گرما ءِ انٹرنشپ۔ سال 2025 ءَ چہ 33 شہراں گیش 6500 نودربراں بھر زرتگ ات کہ ایشی ءِ تہ ءَ سرجمیں ملک ءِ 150 ءَ چہ گیش سرکاری ءُ غیر سرکاری وانگ ءُ زانگ ءِ ادارگ آنی نودربر ھوار اتنت۔ موسم گرما ءِ کارگردی ءَ کہ چہ وانگ ءُ زانگ ءَ پُر ات، ملک ءِ نامداریں شخصیتانی نودربراں گوں ھاسیں دیوان برجم دارگ بوت انت۔ نودربراں پی ایم اے کاکول، این سی ٹی سی پبی، پاکستان آرڈننس فیکٹری واہ ءَ ھوار بازیں فوجی تنصیبات ءِ ھم تر ءُ تاب کتگ۔ نودربر آناں آؤٹ ڈور تر ءُ تاب ءِ وسیلگ ءَ پاک سلاہ بندیں اُرد ءِ آپریشنل تیاری ءُ صلاحیت آنی سر ءَ ھم چار ءُ تپاسی کت۔ موسم گرما ءِ انٹرنشپ ءِ نودربر آنی واستہ ڈی جی آئی ایس پی آر ءِ گوما ھاسیں سیشن ھم برجم دارگ بوتگ۔ نودربراں گْوشتگ کہ چہ گرماگی انٹرنشپ ءَ بازیں چیزے دربرتگ۔ انٹرنشپ ءِ گڈسرا نودربراں آئی ایس پی آر ءِ نیمگ ءَ چہ اعزاز ءِ سرٹیفکیٹ ھم دیگ بوتگ۔