سپیکر  راجی اسمبلی ءَ غزہ ءِ تہا اسرائیل ءِ زوراکی ءِ مذمت کتگ، قبضہ گیر فورسز ءِ فلسطین ءَ دوا ءُ درمان، وردن ءُ امدادی سامانانی دیم ءَ دارگ سکیں شرمندگی ءِ کارے، سردار ایاز صادق

اسلام آباد۔22اگست  (اے پی پی): سپریم راجی اسمبلی سردار ایاز صادق ءَ غزہ ءَ برجاھیں اسرائیل ءِ زوراکی ءِ مذمت کنان ءَ 7 اکتوبر 2023 ءَ چہ 60 ہزار ءَ چہ گیش بے گناہیں فلسطینی آنی شہادت ءِ سر ءَ دلپدردی ءِ درشانی کتگ۔ آدینگ ءِ روچ ءَ وتی  دلپددی کلوہ ءَ  اسرائیلی  جارحیت ءِ سبب ءَ زھگ، جنین ءُ پیریں مردم  آماچ اَنت۔ اسرائیلی اشغالی لشکر ءَ فلسطین ءِ اسکول، نادراھجاہ، عبادت جاہ ءُ پناہ گزین کیمپانی سر ءَ اُرش کتگ کہ اے یک بے دروریں غیر انسانی ءُ غیر اخلاقی کارے ۔ آئی ءَ گوشت کہ اسرائیلی قبضہ گیر فورسز ءِ فلسطین ءَ را درمان، وردن ءُ امدادی سامان آنی دیم ءَ دارگ سکیں شرمندگی ءُ غیر انسانی کارے ۔ اسرائیل ءِ وردن ءُ دوا ءِ دیم ءَ دارگ ءِ سوب ءَ ھزاراں فلسطینی زھگ ءُ پیریں مردم چہ گریبی ءُ دوا ءِ دست نہ کپگ ءَ بیران بوھگ ءَ اَنت۔ اسرائیل ءِ فلسطین ءِ راج ءِ سرا ظلم ءُ زوراکی انسانی حق ءُ میان استمانی قانود ءِ نقض انت۔ غزہ ءِ زوراکی ءِ سوب ءَ ھزاراں زھگ یتیم ءُ بے وس بوتگ اَنت۔ میان استمانی براتی ءِ بے تواری اسرائیل ءَ را آزاتیں دستے دیگ ءَ اِنت کہ آ گیشتر زلم ءُ زوراکی بہ کنت۔ آئی ءَ لوٹ کتگ کہ اقوام متحدہ فلسطین ءَ زوتیں جنگ بندی ءِ واستہ عملی گامگیج بہ زوریت، سلامتی کونسل ءِ قراردادانی رد ءَ فلسطین ءِ واستہ انصاف ءُ دائمی گیواری ءِ شوہازگ بہ بیت، پاکستان فلسطین ءِ راج ءِ وت واجہی ءِ حق ءِ مھکمیں حمایت ءَ   کنت،  القدس ءَ را یک آجوئیں دارالحکومت ءِ جوڑ کنگ ءِ ھاترا پاکستان وش انت۔    پاکستان ءِ پارلیمنٹ ءُ راج ہر فورم ءَ فلسطین ءِ جیڈھ ءَ را دیم ءَ برگ ءَ برجاہ دار ایت ، کہ پاکستان ءِ پارلیمنٹ ءُ راج فلسطین ءِ راج ءِ گوما شانہ ءِ سرا اوشتاتگ انت ۔ مزن رہشون سردار ایاز صادق ءَ اسرائیل ءِ زوراکی ءِ شہیدانی واستہ ٹپیانی  سگ ءُ اوپار  ءُ جان سلامتی ءِ دعا ہم کتگ۔