پاک فوج انا کوشست آتیان بونیر اٹی قادر نگرآن بھٹائی دارا غا ہنوک آ سڑک ءِ ملنگا

اسلام آباد۔ 22 اگست (اے پی پی) خیبرپختونخواٹی آرمی فلڈریلیف آپریشن نا رداٹ پاک فوج انا کوشست آتیان بونیر اٹی قادر نگرآن بھٹائی داراغا ہنوک آ سڑک ءِ ٹریفک کن ملنگانے۔ داکان بیدس پاک فوج انا اربن سرچ اینڈ ریسکیو ٹیم ملبہ غاتیان لاش آتے پٹنگ اٹی ہم ہندی انتظامیہ نا کمک ءِ کننگ ءِ۔ یات سلے کہ پاک فوج انا بونیر، سوات، شانگلہ و صوابی نا نوکاپ زدہ علاقہ غاتیٹی فلڈ ریلیف آپریشن ہشت می دے ہم برجاءِ و پاک فوج انا کورآف انجینئرز نا دستہ کسر تے ملنگ و ملبہ غاتے اسہ کنڈ کننگ اٹ لگوک ءِ وخت اس کہ پاک فوج انا ہیلی کاپٹرزآتیٹی راشن و ایلو گڑاتے تننگ انگ ءِ و نوکاپ زدہ علاقہ غاتیان مخلوق ءِ رکھوک ہند آتیا ہم گدریفنگ انگ ءِ ۔ ہنداوڑ پاک فوج انا ڈاکٹرآک زہمی علاقہ غاتیٹی کیمپ خلسا ناجوڑآتا مفت درمان اٹی لگوک ءُ ۔ پاک فوج نوکاپ تون اوار  غٹ قدرتی آفت آتیٹی تینا الس نا خذمت اٹی لگوک ءِ و نوکاپ زدگان تا بحالی و پورو ریسکیو اسکان پاک فوج انا ریسکیو مشن برجاسلک۔