فیلڈ مارشل سید عاصم منیر تون چین نا وزیرخارجہ وانگ ژی نا اوڑدہی، سدابہار سٹریٹجک شریداری ءِ سوگو کننگ نا عزم انا درشانی ءِ کرے، آئی ایس پی آر

راولپنڈی۔ 22 اگست (اے پی پی) پاکستان و چین سدابہار سٹریٹجک شریداری ءِ سوگو کننگ و علاقائی و جہانی فورم تیا ہم گرنچی ءِ ودفنگ نا عزم انا درشانی ءِ کرینے۔ جمعہ نادے آ آئی ایس پی آر آن جاری بیان نا رداٹ چین نا وزیرخارجہ وانگ ژی اسلام آباد اٹی ایلو اختہ ئی تتون   چیف آف آرمی اسٹاف ، فیلڈ مارشل سید عاصم منیر تون ہم اوڑدہی کرے۔ اوڑدہی ٹی علاقائی سلامتی، انسداد دہشت گردی و تین پہ تینی است خواہی نا امور آ گپ وتران مس۔ ہڑتوم آ کنڈآک سدابہار سٹریٹجک شریداری ءِ سوگو کننگ و علاقائی و جہانی فورم تیا ہم گرنچی ءِ ودفنگ نا عزم انا درشانی ءِ کریر۔ چیف آف آرمی اسٹاف، فیلڈ مارشل سید عاصم منیر چین نا پدریسہ مخ تفی آ منت واری ءِ ہرفے۔ اوڑدہی ٹی ڈیہہ اٹی امن، سوگوی و شونہالی ءِ مون آ دننگ نا اسیجائی عزم انا درشانی ءِ کننگا۔