چینی دری کارانی وزیر وانگ ژی  ءَ فیلڈ مارشل سید عاصم منیر ءَ گوں گند ءُ نند کتگ، ھمک موسم ءِ اسٹریٹجک شراکت داری ءَ را مھکم کنگ ءِ جزم ءِ  درشان، آئی ایس پی آر

راولپنڈی۔22اگست  (اے پی پی): پاکستان ءُ چین ءَ دمگی ءُ میاں اوستمانی دیوان آنی تہ ءَ ھمک موسم ءِ اسٹریٹجک شریکداری ءَ را مھکم کنگ ءُ ھمگرنچی ءَ را گیش کنگ ءِ وتی جزم ءِ پدا پدر کتگ۔ آئی ایس پی آر ءِ نیمگ ءَ جمعہ ءِ روچ ءَ جاڑی بوتگیں بیان ءِ رد ءَ چین ءِ دری کارانی وزیر وانگ شی ءَ اسلام آباد ءَ دگہ  دزگٹی آنی تہ ءَ چیف آف آرمی اسٹاف فیلڈ مارشل سید عاصم منیر ءَ گوں ھم گند ءُ نند کتگ۔ گند ءُ نند ءَ دمگی ایمنی ، گر ءُ دار ءِ ناشرکاری ءُ وت مہ وتی مفاد ءِ جیڈھ آنی سر ءَ گپ ءُ تران کنگ بوتگ ۔ دوئیں نیمگ ءَ دمگی ءُ میاں اوستمانی فورم آنی تہ ءَ ھمک موسم ءِ اسٹریٹجک شریکداری ءَ را مھکم کنگ ءُ ھمگرنچی ءَ را گیش کنگ ءِ وتی جزم ءِ پدا پدر کت۔ وانگ شی ءَ پاکستان ءِ وت واجہی ءُ دیمروئی ءِ واستہ چین ءِ مدامی کمک ءِ پدرائی کت۔ آرمی ءِ سروک فیلڈ مارشل سید عاصم منرا ءَ چین ءِ برجاھیں کمک ءِ سر ءَ منت واری ءِ درشانی کت۔ دیوان ءَ دمگ ءَ امن، مھکم ءُ وشھالی ءِ دیمروئی ءِ واستہ یکجاھیں جزم ءِ درشانی کنگ بوت۔