صدر آصف زرداری شہید میجر رضوان طاہر ءِ گس ءِ تر ءُ تاب ءَ کنت، خاندان ءَ گوں یکوئی ءِ درشانی کنت، شہید آناں توسیپ ءُ ستا

اسلام آباد۔21اگست  (اے پی پی):صدر ءِ مملکت آصف علی زرداری ءَ شہیدیں میجر رضوان طاہر ءِ گس ءِ تر ءُ تاب کتگ، کھول ءِ گوما یکوئی ءِ درشانی کتگ ءُ شہید ءَ را شگر ءُ منت گپتگ ءُ گشتگ کہ میجر رضوان ءَ وتی جان ءِ ندر کنگ ءَ راج ءِ سر برز کتگ۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ نوشکی آپریشن ءَ آئی ای ڈی تراک ءِ آسر ءَ میجر رضوان طاہر شہید بوتگ۔ صدر ءِ مملکت ءَ شہید گس ءِ تر ءُ تاب کتگ ءُ آئی ءِ کھول ءَ گوں یکوئی ءِ درشانی کتگ۔ صدر ءِ مملکت ءَ شہیدیں افسر ءَ را شگر ءُ شان دات ءُ گوشت کہ میجر رضوان شہید یک بہادر ءُ بے ترسیں افسرے بوتگ۔ صدر آصف علی زرداری ءَ گوشت کہ میجر رضوان ءَ فرض ءِ راہ ءَ وتی جان ندر کنان ءَ شھیدی ءِ مزنیں مثال داتگ۔ صدر ءِ مملکت ءَ اے جزم ءِ درشان کت کہ شہید آنی قربانی بے سوب نہ بنت۔