چیئرمین جوائنٹ چیفس آف اسٹاف کمیٹی جنرل ساحر شمشاد مرزا ءَ ازبکستان ءِ سرکاری تر ءُ تاب ءِ سر ءَ دمگی امن ، مھکم ءُ وشھالی ءِ دیمروئی ءِ واستہ گیش کمک ءِ واستہ یکجائی جزم ءِ سر ءَ زور پر دات

راولپنڈی ۔21اگست  (اے پی پی):جوائنٹ چیفس آف اسٹاف کمیٹی ءِ چیئرمین جنرل ساحر شمشاد مرزا ءَ ازبکستان ءِ گوما پاکستان ءِ گہتریں ءُ براتی سیادی ءِ سر ءَ چمشانک داتگ ءُ دمگی امن ءُ ایمنی ءِ دیمروئی ءِ واستہ گیشیں کمک ءِ واستہ یکجائی جزم ءِ سر ءَ زور پر داتگ۔ پنچ شمبے ءِ روچ ءَ آئی ایس پی آر ءِ نیمگ ءَ جاڑی بوتگیں بیان ءِ رد ءَ سی جے سی ایس سی ءَ ازبکستان ءِ سرکاری تر ءُ تاب ءِ وھد ءَ ازبکستان ءِ صدر شوکت میرزیویف، وزیر دفاع میجر جنرل شکرت خولمخمودوف ءُ سیکرٹری راجی سلامتی کونسل ءِ لیفٹیننٹ جنرل وکٹر مخمودوف ءَ گوں گند ءُ نند کتگ۔ گپ ءُ تران ءَ میاں اوستمانی ءُ دمگی جیو پولیٹیکل ءُ سیکورٹی ءِ چاگرد ءِ سر ءَ گپ ءُ تران کنگ بوتگ ءُ وت مہ وتی مفاد ءِ جیڈھ آنی سر ءَ زور دیگ بوتگ۔ دوئیں نیمگ ءَ دفاعی ءُ ایمنی، سڑک ءُ ریل ءِ رابطہ ءُ کمک ءِ ایندگر تک ءُ پھنات آنی تہ ءَ دو نیمگی سیادی ءَ را گیش مھکم کنگ ءِ واستہ کمک ءِ تہ ءَ گیشی ءِ امیت سہرا کنگ بوت۔ چیئرمین جے سی ایس سی ءَ ازبکستان ءِ گوما پاکستان ءِ گہتریں ءُ براتی سیادی آنی سر ءَ زور پر دات ءُ دمگی امن، مھکم ءُ وشھالی ءِ واستہ گیش کمک ءِ واستہ یکجائی عزم ءِ سر ءَ زور پر دات۔ ازبکستان ءِ سروکی ءَ پاکستان ءِ سلاہ بندیں اُرد آنی پیشہ وارانہ لیکہ ءِ توسیپ کتگ ءُ ناشرکاری ءِ ھلاپ ءَ جنگ ءَ آھانی قربانی آنی ساڑاتگ۔