چین ءِ دری کارانی وزیر ءَ صدر آصف علی زرداری ءَ گوں گند ءُ نند کتگ، پاک چین ءِ نیام ءَ ”آہنی برات“ ءِ دوبر پدر کنگ بوتگ

اسلام آباد۔21اگست  (اے پی پی):صدر آصف علی زرداری ءَ گوشت کہ پاکستان ءُ چین آہنی برات، وھد ءِ آزمائشی دوست ءُ سدا بہاریں اسٹریٹجک شریک اَنت ءُ چین ءِ گوما دوستی پاکستان ءِ دری پالیشی ءِ مستریں ستون اِنت کہ پاکستان ءَ سرکاری، سیاسی ءُ ادارگی تک ءَ یکوئی ءِ کمک ءَ چہ وشھال اِنت۔ پنچ شمبے ءِ روچ ءَ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت آصف علی زرداری ءَ اے گپ صدر ءِ گس ءَ چین ءِ درئی کارانی وزیر ءُ سی پیک ءِ مرکزی کمیٹی ءِ سیاسی بیورو ءِ باسک وانگ یی ءَ گوں گند ءُ نند ءِ ساھت ءَ کت۔ اے موہ ءِ سر ءَ چین ءِ نائب وزیر ءِ درئی کار سن ویڈونگ ءُ پاکستان ءَ چین ءِ سفیر جیانگ زیڈونگ ھم ساڑی ات ۔ صدر ءِ مملکت ءَ پاکستان ءِ وت واجہی، علاقائی یکوئی، راجی دیمروئی ءُ جموں کشمیر ءِ جیڈھ ءِ ھوالگ ءَ چین ءِ اصولی ءُ منصفانہ موقف ءِ واستہ چین ءِ منت گپت۔ صدر ءِ مملکت ءَ چین ءِ صوبہ بیجنگ ءُ گانسو ءَ گوستگیں سیلاب ءِ سبب ءَ گران بھائیں جانی بیرانی ءِ سر ءَ ھم دلپدردی ءُ ھمدردی ءِ درشانی کت۔ صدر ءِ مملکت ءَ اے سال ءِ بندات ءَ چین ءِ تر ءُ تاب ءِ یات ءَ گوشت کہ اے تر ءُ تاب ءِ ساھت ءَ آئی ءَ صدر شی جن پنگ ءُ چین ءِ مزنیں سروکی ءَ گوں سوبمندیں گند ءُ نند کتگ۔ اے تر ءُ تاب پاکستان ءُ چین آہنی براتی ءِ سرا منی دل یکمی ءِ آدینک ات۔ صدر ءِ مملکت ءَ گوشت کہ وتی گوستگیں صدارت ءِ وھد ءَ آئی ءَ چین ءِ 14 تر ءُ تاب کتگ تانکہ ملک ءِ دیمروئی ءُ پیشرفت ءَ را نزیکی ءَ چہ سرپد بہ بیت، ایشی ءَ پد چین ءُ پاکستان اقتصادی راہداری ءِ بندات ءِ پیشگال ثابت بوتگ۔ آئی ءَ گوشت کہ 2026 ءَ پاکستان ءُ چین ءِ نیام ءَ سفارتی سیادی ءِ جوڑ بوھگ ءِ 75 سال سرجم بوتگ ءُ پاکستان اے ھاسیں موہ ءَ جوانیں رنگ ءَ دارگ ءِ منصوبگ بندی کنگ ءَ انت۔ آئی ءَ گوشت کہ دوئیں ملک اے موہ ءَ چہ پاک چین ءِ دوستی ءِ جوانیں روایات آناں وتی نوکیں باھند آناں سر کنگ ءِ واستہ کارمرد کُت کن اَنت۔ صدر ءِ مملکت ءَ سی پیک ءِ نام داتگ کہ صدر شی جن پنگ ءِ پرچم بردار بیلٹ اینڈ روڈ انیشیٹیو ءِ بھر اِنت پاکستان ءُ چین دوئیں ملک آنی واستہ بے دروریں اسٹریٹجک ارزشت ءِ واھند اِنت۔ آئی ءَ گوشت کہ سی پیک خطہ ءَ گہتریں رابطہ، اقتصادی یکوئی ءُ پرامن ہمساہگی ءِ مئے وت مہ وتی وژن ءِ سرجمی ءَ یک ھاسیں جز ءِ انت۔ وتی ھیالانی درشان کنان ءَ چینی دری کارانی وزیر وانگ یی ءَ گوشت کہ چین ءُ پاکستان ءِ دوستی نسل ءَ چہ نسل ءَ برجاہ دارگ بوتگ، ایشی ءِ بنیات وت مہ وتی نیک راھی، بھروسہ ءُ یک مھکمیں ہر موسم ءِ اسٹریٹجک شریکداری ءِ سر ءَ اِنت۔ آئی ءَ گوشت کہ صدر شی جن پنگ ءِ وژن ایش انت کہ پاکستان ءُ چین ءِ یکجائی آیوکیں باندات انت ءُ دوئیں ملک آنی الس آناں یک دومی ءِ گوما نزیک کنگ ءِ واستہ کار کنگ بہ بیت۔ آئی ءَ گوشت کہ چین کلیدی موہ آنی سر ءَ پاکستان ءِ کمک ءَ را ارزشت دنت۔ دوئیں ملک آنی نیام ءَ وت مہ وتی کمک ءُ دمگی ایمنی ءِ ھوالگ ءَ جیڈھ آنی سر ءَ ھم گپ ءُ تران کنگ بوت۔ معاون مزن وزیر ءُ دری کارانی وزیر سینیٹر محمد اسحاق دار، وفاقی وزیر منصوبہ بندی، دیمروئی ءُ ھاسیں گامگیج احسن اقبال، وفاقی وزیر داخلہ ءُ منشیات ءِ کنٹرول سید محسن رضا نقوی، چیئرمین پیپلز پارٹی ءِ پارلیمنٹرین بلاول بھٹو زرداری نیشنل رزبال صدر، من اے موہ ءِ سر ءَ جارکش مرتضی سولنگی ، دری کارانی سیکرٹری ءُ چین ءَ پاکستان ءِ سفیر ھم ساڑی ات ۔