تحریک انصاف ءِ بانی چیئرمین ءِ ضمانت ءِ درخواست 9 مئی ءِ کیسانی تہا منظور بوتگ انت، 9 مئی ءِ کیسانی مقدمہ برجاہ انت، ضمانت ءِ سرا جشن کنگ چہ فہم ءَ در انت، تحریک انصاف ءِ مردمانی انٹیلی جنس ءِ سرا ایوک ءَ گریوگ بوت کنت، وفاقی وزیر اطلاعات عطا اللہ تارڑ ءِ پسو

اسلام آباد۔21اگست  (اے پی پی):پاکستان ءِ سپریم کورٹ ءَ 9 مئی ءِ وئیلاں گوں سیادی داروکیں 8 کیس آنی تہ ءَ تحریک انصاف ءِ بانی چیئرمین ءِ ضمانت ءِ درخواست منظور کتگ انت، چیف جسٹس یحییی آفریدی ءِ سروکی ءَ سئے باسکی بنچ ءَ کیس گوشدارگ بوتگ انت۔ تحریک انصاف ءِ بانی چیئرمین ءِ حلاف ءَ 9مئی ءَ گوں سیادی داروکیں 8 کیس ءِ گوشدارگ بوھگ ءَ انت۔ اے پیسلہ ءَ پد پی ٹی آئی ءِ سروک آنی پریس کانفرنس ءِ سر ءَ رد عمل پیش کنان ءَ وفاقی وزیر انفارمیشن ءُ براڈکاسٹنگ عطا اللہ تارڑ ءَ گوشت کہ 9 مئی ءِ کیس آنی مقدمہ انگت ءَ برجاہ اِنت، ھما مردم کہ گیم ءَ گوازینگ ءَ اَنت آ بہ زان اَنت کہ ضمانت ءُ بری ءِ نیام ءَ چے فرق اِنت، پی ٹی آئی ءِ گور ءَ قانونی کیس آنی ھوالگ ءَ ھچ وڑیں ثبوت نیست، آھانی ایجنڈا ءَ ھچ وڑیں گپ ھلاس نہ بوتگ کہ آھانی بابت ءَ ھچ وڑیں ھال ءُ اھوال نیست۔ ضمانت ءِ سرا باز، آ نوں وت ءَ بے عقل کنگ ءَ اَنت، آیانی زانت ءِ سرا بس گریوگ بوت کنت۔ وفاقی وزیر اطلاعات ءَ گوشت کہ 190 ملین پونڈ ءِ کرپشن ءِ کیس ملک ءِ راجدپتر ءِ مزنیں میگا کرپشن اسکینڈل اِنت کہ ایشی ءِ تہ ءَ پی ٹی آئی ءِ بانی چیئرمین ءَ را باقاعدہ ثبوت ءُ مقدمہ ءِ سرجمی ءَ پد 14سال ءِ جیل ءِ سزا دیگ بوتگ، اے کیس ءَ پی ٹی آئی ءَ را آمید گس ءَ را اے گپ ءِ گشگ ءَ ناکام بوتگ کہ مالیک ءَ را چے ارب ءِ بنیاد ءَ داتگ۔ اے کیس ءَ قانونی دلیل دیگ ءِ بدل ءَ پی ٹی آئی ءَ مذہب کارڈ کارمرز کتگ ءُ مدینہ ءِ ریاست ءِ نام ءَ لس مھلوک ءَ را گمراہ کنگ ءِ کوشست کتگ۔ آئی ءَ گوشت کہ اے کیس ءَ سپریم کورٹ ءِ پیسلہ اتکگ کہ ایشی ءِ تہ ءَ گشگ بوتگ کہ کسے ءِ جرمانہ ءِ ھلاسی بوتگ، چوں ممکن اِنت کہ ارباں کلدار کہ پاکستان حکومت ءِ گور ءَ آیگی بوتگ اَنت آ دگہ جرمانہ ءِ تہ ءَ ایڈجسٹ کنگ بہ بنت۔ اگاں آ انچو نیک نیتی ءَ بوتگ انت گڑا تحریک انصاف ءِ بُن ھشت ایر کنوکیں چیئرمین ءُ آئی ءِ جنین ءَ پرچا القادر یونیورسٹی ٹرسٹ جوڑ کتگ ءُ ملک ریاض ءَ چہ زمین زرتگ؟ اے گپ ءِ پسو آمیدگس ءَ ھم دیگ نہ بوتگ۔ وفاقی وزیر اطلاعات ءَ گشتگ کہ آہاں پنچ کیریٹ ءِ انگشتر رشوت ءِ دروشم ءَ زرتگ ءُ کیس درج کنگ ءِ ھاتر ءَ زرّ رسگ ءَ انت۔ 190 ملین پونڈ ءِ میگا کرپشن ءِ کیس ءَ اے گپ ثابت اِنت کہ اے پیسلہ کابینہ ءَ بندیں لفافہ ءِ تہا منظور کتگ ءُ ہما وہد ءِ مزن وزیر عمران خان ءَ ہمت نہ کتگ کہ آ وتی کابینہ ءَ بہ گشیت کہ اے لفافہ ءِ تہا چے است۔ آ وھد ءَ کابینہ ءِ بازیں باسکاں جُست چست کُتگ اَت بلے عمران خان ءَ جُست رد کُتگ اَت ءُ گْوشتگ اَت کہ ترا گوں ایشی ءَ ھچ سیادی نیست بس منظور کن ئے۔ آئی ءَ گوشت کہ 190ملین پونڈ ءِ کرپشن ءِ کیس ءَ 14سال ءِ سزا ءِ جاہ ءَ اِنت، اے کیس ءَ اے ھچ وڑیں دفاع بوت نہ کنت۔ غم ءِ گپ ایش انت کہ وھدے ترا 14 سال زندان ءِ سزا دیگ بیت ءُ چہ ایشی ءَ پد ترا وثیقہ دیگ بیت گڑا تو اے وڑ ءَ نکاح کنگ ءَ مجبور بئے۔ آئی ءَ گوشت کہ سلمان اکرم راجا سینئر وکیل انت، آئی ءِ سک باز عزت ءُ شرپ انت، مرچی وھدے آئی ءَ گوشت کہ ما سوبمند بوتگیں گڑا اے نا پھم انت پرچا کہ قاتل، ڈاکو ءُ ہر وڑیں ملزم ھم ضمانت رس انت۔ آئی ءَ گوشت کہ 9 مئی کیس ءِ آمیدگس انگت ءَ برجاہ انت، اے آمید گس ءَ وتی منطقی آسر ءَ سر بوھگی انت، اے ایوک ءَ ضمانت نہ انت، اے پیسلہ انت۔ 9 مئی ءِ کیسانی تہا شبلی فراز ءَ ہوار تحریک انصاف ءِ دگہ بازیں رہشون سزا دیگ بوتگ انت، وہدے آہاں سزا دیگ بوتگ گڑا آ ہم ضمانت ءِ سرا بوتگ انت۔ آئی ءَ گوشت کہ مرچی ایوک ءَ ضمانت ءِ گرگ ءِ واستہ انچو وشی ءِ مراگش کنگ بوھگ ءَ اِنت کہ ناقابل فہم اِنت، آیا مرچی پی ٹی آئی ءِ بانی چیئرمین بری کنگ بوتگ؟ آئی ءَ گوشت کہ تحریک انصاف ءِ بانی چیئرمین زندان ءَ انت، آئی ءَ را 190 ملین پونڈ ءِ کرپشن کیس ءَ سزا دیگ بوتگ، وھدے آ جیل ءَ انت گڑا اے ضمانت ءَ ھچ پرواہ نیست۔ آئی ءَ گوشت کہ بازیں کیس آنی تہ ءَ پٹ ءُ پولی ادارگ پیسر ءَ چہ دزگیر بوتگیں ملزم ءِ ضمانت ءِ سر ءَ زور نہ کن اَنت، استغاثہ ضمانت نہ لوٹ ایت۔ آئی ءَ گْوشتگ کہ آ مرچی داتگیں ضمانت ءِ سر ءَ آروس کنگ ءَ اَنت، آ ھم نہ زان اَنت کہ ضمانت ءُ بری کنگ ءِ تہ ءَ چے فرق اِنت۔ آئی ءَ گوشت کہ اے گپ روچ ءِ وڑ ءَ پدّر اِنت کہ 9 مئی ءِ وئیل عمران خان ءِ منصوبگ بندی بوتگ اَنت، ءُ 9 مئی ءِ وئیل ھم سرجمیں راج ءِ گواہ بوتگ اَنت۔بانی چیئرمین تحریک انصاف ءَ اے درستیں منصوبہ بندی کتگ ات، زوم ءِ سر ءَ دیوان بوتگ ات کہ ایشی ءِ تہا تحریک انصاف ءِ بازیں رہشوناں اے کار ءِ مخالفت کتگ ات بلے تحریک انصاف ءَ زوراکی ءِ راہ گپتگ ات۔ مئی ءَ جی ایچ کیو ءِ سر ءَ اُرش کنگ بوت، شھیدانی یادگار ھلاس کنگ بوت اَنت، ریڈیو پاکستان ءِ سر ءَ آتش کنگ بوت۔ اے درستیں کار بانی چیئرمین پی ٹی آئی ءِ ہدایت ءِ سرا یک ناپاکی ءِ سازش ءِ رد ءَ کنگ بوتگ انت۔ دژمن ہم عمران خان ءُ آئی ءِ پارٹی ءِ وڑا اینچیں حد ءَ نہ شت۔ آئی ءَ گوشت کہ مرچی پی ٹی آئی ءِ ماتم ءِ روچ اِنت، آ بوت کنت کہ نہ زان اَنت کہ 9 مئی ءِ کیس آنی تہ ءَ ناقابل تردیدیں ثبوت است، اے درستیں چیز آنی باوجود آ وت ءَ را جشن کنگ ءَ بے عقل کنگ ءَ اَنت، آیاں اولی رند ءَ راج ءَ را بے ھیال کنگ ءِ کوشست کتگ، آئی ایم ایف ءَ را نمدی نبشتہ کتگ، راج ءَ وتی ایجنڈا ءِ رد کنگ ءَ رد کتگ۔ وفاقی وزیر انفارمیشن ءَ گوشت کہ یک مردمے کہ آئی ءَ را میگا کرپشن کیس ءَ 14 سال ءِ سزا دیگ بوتگ ءُ آئی ءَ را وت ءَ را دفاع کنگ ءِ واستہ ھچ نیست، آئی ءَ ارباں کلدار ءِ کرپشن کتگ، ملک ریاض ءَ را فائدگ رستگ، اے ملک ءُ راج ءِ زر کہ سندھ حکومت ءِ گور ءَ روگی ات ءُ پنجاب حکومت ءَ ریز ءِ حوالہ کتگ ات ءُ گیزی ءِ واستہ بوتگ ات۔ آئی ءَ گوشت کہ پی ٹی آئی ءَ را گپ کنگ ءِ ھچ نیست پمیشکا ضمانت ءِ گرگ ءَ پد مرچی جشن کنگ ءَ اِنت، آئی ءِ انٹیلی جنس ءِ سر ءَ ایوک ءَ غم ءُ زاری کنگ بیت کنت۔ آ زان اَنت کہ 9 مئی ءِ زھرناکیں سازش پی ٹی آئی ءِ بانی چیئرمین ءَ چہ ٹُکّ اِتگ، آئی ءِ پارٹی ءِ سرجمیں سروک ھم ایشی ءِ تہ ءَ ھوار بوتگ اَنت۔ آئی ءَ گوشت کہ 9 مئی ءِ کیس آنی ابید توشاخانہ دوم ءِ کیس ھم برجاہ اِنت، ایشی ءِ تہ ءَ ھم تحریک انصاف ءِ بانی چیئرمین ءَ انگت ءَ پسو نہ داتگ، آ ھر کیس ءَ تاریخ زور اَنت ءُ کیس ءَ را دراج کنگ ءِ کوشست کن اَنت، اے رنگ ءَ ھچ وڑیں گیشیں شواہد نہ کئیت۔ آئی ءَ گوشت کہ پی ٹی آئی ءَ پیسر ءَ مزنیں مٹھائی وارتگ کہ بے تام ءُ بے تام دراتکگ، آ وتی رویہ ءِ سر ءَ ھیال ءُ لیکہ بہ کن اَنت، پی ٹی آئی ءِ بانی چیئرمین درآھگ ءَ گندگ نہ بیت، راستی ایش اِنت کہ آئی ءَ را دفاع کنگ ءِ ھچ چیز نیست ءُ آئی ءِ سیاسی ایجنڈا ھلاس بوتگ۔